«ۇلتتىق رۋحاني جاڭعىرۋ» جوباسىن قولداۋ اياسىندا الماتى قالالىق مادەنيەت باسقارماسى مەن اباي اتىنداعى قازاق ۇلتتىق پەداگوگيكالىق ۋنيۆەرسيتەتى اراسىندا قوعامدىق, عىلىمي-وندىرىستىك جانە مادەني قارىم-قاتىناس ورناتۋ تۋرالى ىنتىماقتاستىق كەلىسىم شارتى جاسالدى, دەپ حابارلايدى Egemen.kz.
ءوزارا ءتيىمدى قوعامدىق عىلىمي-وندىرىستىك جانە مادەنيەت سالالارى بويىنشا ارىپتەستىك جۇمىستاردىڭ تيىمدىلىگىن ارتتىرۋ ماقساتىندا الماتى قالاسىنىڭ مادەنيەت باسقارماسىنىڭ باسشىسى عاني مايلىباەۆ جانە اباي اتىنداعى قازاق ۇلتتىق پەداگوگيكالىق ۋنيۆەرسيتەتى كوممەرتسيالىق ەمەس اكتسيونەرلىك قوعامىنىڭ باسقارما توراعاسى-رەكتور دارحان بيليالوۆ قول قويىلعان مەموراندۋم كەلەسىدەي مۇمكىندىكتەرگە جول اشادى: باسقارمانىڭ قۇرىلىمدىق بولىمدەرى مەن مەكەمەلەرى جەرگىلىكتى ءوزىن-ءوزى باسقارۋ جۇمىستارىن دامىتۋ باعىتىندا وتاندىق جانە شەتەلدىك عىلىمداردىڭ جاڭا جەتىستىكتەرىن ەنگىزۋ ءۇشىن, ۋنيۆەرسيتەتتىڭ - «5ۆ050500-ايماقتانۋ», «8D03110- رەگيونوۆەدەنيە», «6ۆ02202-تاريح (عىلىمي باعىتى)», «5ۆ020300-تاريح» ماماندىعىنىڭ باكالاۆريات, ماگيستراتۋرا, دوكتورانتۋراداعى ءبىلىم الۋشى-زەرتتەۋشىلەرىنىڭ عىلىمي-وندىرىستىك تاجىريبەلەرىن جۇرگىزۋگە قولداۋ كورسەتەدى جانە مادەني قارىم-قاتىناستاردىڭ ورناۋىن ءارى قاراي تەرەڭدەتەدى.
كەلىسىم اياسىندا ۋنيۆەرسيتەت ستۋدەنتتەرى الماتىنىڭ مادەنيەتى مەن رۋحاني ومىرىنە بەلسەندى تۇردە ارالاسادى, سونىڭ ىشىندە شالعاي ايماقتاردان كەلگەن جاستاردىڭ ازاماتتىق داعدىلارى مەن تۇلعالىق قاسيەتتەرىنىڭ جان-جاقتى دامۋىنا تاربيەلەيتىن قالانىڭ تاريحي نىساندارىنا بارۋعا كەڭ مۇمكىندىك بەرەدى.
كەزدەسۋگە قاتىسۋشى تاراپتار ىسكەرلىك-ىنتىماقتاستىق قارىم-قاتىناستاردى جانداندىرۋدان بولەك, رۋحاني جاڭعىرۋ مەملەكەتتىك باعدارلاماسىنىڭ ماڭىزدىلىعىنا توقتالىپ, سول باعىتتى كۇشەيتۋ ماقساتىندا سەرپىن بەرەتىن ورتاق جوبالاردى دامىتا بەرۋگە ۋاعدالاستى. ۋنيۆەرسيتەتتىڭ باسقارما توراعاسى-رەكتور دارحان بيليالوۆ, ىنتىماقتاستىق كەلىسىم-شارتىن جاساۋعا قولداۋ بىلدىرگەن الماتى قالاسى اكىمدىگىنە, مادەنيەت باسقارماسىنىڭ باسشىلىعىنا ەرەكشە العىسىن ايتىپ, ءوزارا ارەكەتتەستىك قىزمەتتەردىڭ ناتيجەلى بولاتىندىعىنا زور سەنىم ءبىلدىردى.
الماتى