قر پرەزيدەنتى قاسىم-جومارت توقاەۆ رەسەي پرەزيدەنتى ۆلاديمير پۋتينمەن كەلىسسوزدەر بارىسىندا قول جەتكىزىلگەن نەگىزگى ۋاعدالاستىقتار تۋرالى ايتتى, دەپ حابارلايدى Egemen.kz.
«قازاقستاندا رەسەي شەتەلدىك كاپيتالى بار كاسىپورىندار سانى بويىنشا ءسوزسىز كوشباسشى بولىپ تابىلادى. ولاردىڭ ءار ءۇشىنشىسى رەسەيلىك كومپانيالاردىڭ قاتىسۋىمەن قۇرىلعان, جالپى ينۆەستيتسيالىق پورتفەلدى بارلىق سالالار ۇسىنادى. ءبىز وندىرىستىك كووپەراتسيانى كەڭەيتۋ پەرسپەكتيۆاسىنىڭ ەگجەي-تەگجەيىن تالقىلادىق», دەدى قاسىم-جومارت توقاەۆ كەلىسسوزدەردەن كەيىنگى بريفينگ بارىسىندا.
مەملەكەت باسشىسىنىڭ ايتۋىنشا, بۇل باعىتتا كورشىلەس ەلدەر 13 ءىرى جوبانى اياقتادى, سونداي-اق, 2,5 ملرد دوللاردان استام سوماعا 8 جوبانى ىسكە اسىرۋ ساتىسىندا.
«تاعى 11 جوبا پىسىقتالۋدا. جالپى ينۆەستيتسيا كولەمى 1,5 ملرد دوللاردى قۇرايدى. كەلىسسوزدەر بارىسىندا ۆلاديمير ۆلاديميروۆيچكە وسى جوبالاردىڭ بارلىعى مەنىڭ جەكە باقىلاۋىمدا بولاتىنىن جانە ولار جاڭا جۇمىس ورىندارىن قۇرۋعا, ەلدەرىمىزدىڭ ونەركاسىپتىك, تەحنولوگيالىق الەۋەتىن نىعايتۋعا باعىتتالاتىنىن حابارلادىم», دەدى مەملەكەت باسشىسى.