قازاقستان پرەمەر-ءمينيسترىنىڭ ورىنباسارى - سىرتقى ىستەر ءمينيسترى مۇحتار تىلەۋبەردى ەۋروپالىق وداقتىڭ ورتالىق ازيا بويىنشا ارنايى وكىلى تەرري حاكالامەن كەزدەستى, دەپ حابارلايدى Egemen.kz مينيسترلىكتىڭ ءباسپاسوز قىزمەتىنە سىلتەمە جاساپ.
كەزدەسۋ بارىسىندا تاراپتار قازاقستان مەن ەۋروپالىق وداق اراسىنداعى كوپجوسپارلى ستراتەگيالىق ارىپتەستىكتى ودان ءارى قارقىنداتۋ جونىندەگى كەڭ اۋقىمدى ماسەلەلەردى تالقىلادى.
سۇحباتتاستار «ورتالىق ازيا – ەو» ديالوگ الاڭى مەن ىنتىماقتاستىقتىڭ ەكىجاقتى تەتىكتەرى تۇراقتى ەكونوميكالىق دامۋ, شەكارا قاۋىپسىزدىگىن نىعايتۋ, تەرروريزم مەن زورلىق-زومبىلىق ەكسترەميزمىنە قارسى كۇرەس سالاسىندا ءبىزدىڭ وڭىرگە وزىق ەۋروپالىق تاجىريبەنى تارتۋ تۇرىندە پراكتيكالىق پايدا اكەلەتىنىن اتاپ ءوتتى.
كەزدەسۋگە قاتىسۋشىلار قازاقستاندىق قۇقىق قورعاۋ ورگاندارىنىڭ قاڭتار ايىندا قازاقستاندا بولعان وقيعالاردىڭ بارلىق ءمان-جايلارىنا وبەكتيۆتى تەكسەرۋ جۇرگىزۋگە جانە ۇستالعانداردىڭ قۇقىقتارى بۇزىلۋىنا قاتىستى شاعىمداردى مۇقيات قاراۋعا ورتاق مۇددەلىلىگىن اتاپ ءوتتى.