قاراعاندى قالاسىنداعى زووباقتا ياگۋارلار ايۋدىڭ بالاسى – قونجىقتى كىشكەنتاي بالالاردىڭ كوزىنشە دال-د ۇلىن شىعارىپ, جەپ قويدى. بۇل تۋرالى «نوۆىي ۆەستنيك» حابارلادى.
ورىن العان وقيعا ونى كورگەندەرگە, اسىرەسە, بالالارعا قاتتى اسەر ەتتى. ال قازاقستان جان-جانۋارلاردى قورعاۋ قورى قونجىقتى وسىلاي قورلاۋعا جول بەرگەن قىزمەتكەرلەردىڭ ۇستەرىنەن قىلمىستىق ءىس قوزعاپ, ولارعا ءتيىستى جازالارىن بەرۋدى تالاپ ەتۋدە.
«دارمەنسىز قونجىقتى اش ياگۋارلاردىڭ تالاۋىنا بەرگەنىن كورۋ پسيحيكالىق جاعىنان سالاۋاتتى كەز كەلگەن ادامنىڭ ىشكى قارسىلىعىن تۋعىزادى», - دەپ اتاپ ءوتتى قوردىڭ وكىلى ماريا ءبايدىلدينوۆا.
ونىڭ پىكىرىنشە, ءومىر ءسۇرۋ قابىلەتىنەن ايرىلعان اۋرۋ قونجىقتىڭ ءوزىن بۇلايشا سۇمدىق ولىممەن ولۋگە ءماجبۇر ەتۋ قۇقىعى زووباق اكىمشىلىگىنە دە, ونىڭ قىزمەتكەرلەرىنە دە بەرىلمەگەن. «زووباق قىزمەتكەرلەرىنىڭ جانى اشىماس قاتىگەزدىگى مەن قورعانسىز كىشكەنتاي قونجىقتىڭ جىرتقىشتاردان قاشىپ, تور ىشىندە الاسۇرا قاشقان كەزىن سالىستىرا قاراي كەلگەندە, بۇلارعا شىنىمەن جاراتىلىستىڭ اقىل-ويدىڭ يەسى ەتىپ جاراتقان ادامنىڭ وكىلدەرى بولىپ تابىلاتىن-تابىلماسىن سۇراعىڭ كەلەدى», - دەپ جازدى ءبايدىلدينوۆا ءوزىنىڭ قۇقىق قورعاۋ ورگاندارىنا ارناعان حاتىندا.
«ءتىپتى كىشكەنتاي قونجىقتىڭ ءدام-تۇزى تاۋسىلىپ تۇرعانى اقيقات بولعان كۇندە دە, جانۋاردى ۆەتەرينار دارىگەرلەر ءتيىستى تاسىلمەن جانسىزداندىرعان سوڭ عانا مۇنى جاساۋعا بولاتىن ەدى عوي», - دەپ اشىنادى ول.
قور وكىلى بيىلعى جىلى دانياداعى زووباق قىزمەتكەرلەرىنىڭ ساپ-ساۋ جاس جيرافتى كەلۋشىلەردىڭ كوزىنشە ءولتىرىپ, سوسىن ونىمەن ارىستانداردى تاماقتاندىرعانى ۇلكەن قوعامدىق قوزعالىس تۋعىزعان ەدى. ناتيجەسىندە الەمدەگى ميلليونداعان كورەرمەن مۇنى جاساۋشىلاردى جەردەن الىپ, جەرگە سالدى. قۇرىش نۇرىمبەت.
دەرەككوز: نوۆىي ۆەستنيك.