«ازاماتتارعا ارنالعان ۇكىمەت» مەملەكەتتىك كورپوراتسياسى كەاق الماتى قالالىق فيليالى المالى اۋداندىق فرونت-وفيسىندە فيليال باسشىلىعى, قر مەملەكەتتىك قىزمەت ىستەرى اگەنتتىگىنىڭ الماتى قالاسى بويىنشا دەپارتامەنتى ماماندارى جانە قوعامدىق ۇيىمدار وكىلدەرىنىڭ قاتىسۋىمەن قوعامدىق قابىلداۋ وتكىزدى, دەپ حابارلايدى Egemen.kz.
شارا قالا تۇرعىندارىنىڭ مەملەكەتتىك قىزمەتتەردى الۋداعى تۇيتكىلدى سۇراقتارىنا جاۋاپ بەرۋ, قۇقىق بۇزۋشىلىقتارعا توزبەۋ قاعيداتىن قالىپتاستىرۋ, سىبايلاس جەمقورلىقتىڭ الدىن الۋ ماقساتىندا ۇيىمداستىرىلدى.
ء«بىز مۇنداي قوعامدىق قابىلداۋلاردى بۇرىن دا وتكىزىپ تۇراتىنبىز. پاندەميا سالدارىنان ءبىراز ۋاقىت توقتاپ تۇردى. ەندى قايتا قولعا الىپ, ءار اۋدانداعى حقكو بولىمدەرىندە قىزمەت الۋشىلارمەن بەتپە-بەت كەزدەسىپ, ماسەلەلەرىنىڭ شۇعىل شەشىلۋىنە ىقپال ەتپەكپىز. شارا تۇرعىندارعا قانشالىقتى پايدالى بولسا, ولاردىڭ سىن-ەسكەرتپەلەرى ارقىلى ءبىز دە قىزمەت ۇسىنۋ ۇدەرىستەرىن جەتىلدىرە بەرەتىن بولامىز», دەيدى «ازاماتتارعا ارنالعان ۇكىمەت» مەملەكەتتىك كورپوراتسياسى كە اق الماتى قالاسى بويىنشا فيليالىنىڭ ديرەكتورى ەرمەك بەكجۇنىسوۆ.
وتكەن اپتادا مەدەۋ اۋدانىنىڭ قىزمەت الۋشىلارى, ال بۇل جولى المالى اۋدانىنىڭ تۇرعىندارى مەملەكەتتىك قىزمەت الۋعا قاتىستى سۇراقتارىنا جاۋاپ الدى. اۋدان تۇرعىنى ايگۇل سابيتقىزى تولىق ەمەس وتباسى رەتىندە ءۇي كەزەگىنە تۇرۋ جولىن سۇراسا, جادىرا امانوۆا وڭالتۋ بويىنشا بىرجولعى تولەمدەر تۋرالى, سەرگەي الەكساندروۆ تۇرعىلىقتى مەكەنجايىنىڭ وزگەرىستەرىنە قاتىستى, ەلەنا اندرەەۆا مەملەكەتتىك اكتىنى ەلەكتروندىق فورماتتا الۋ سياقتى سۇراقتارمەن كەلسە, رايسا سەرگەەۆا پاتەرىندە تۇرعان بۇرىنعى تۇرعىندارىن تىركەۋدەن شىعارۋ جولىن سۇرادى.
ءىس-شارا بارىسىندا 50-گە جۋىق قىزمەت الۋشىنىڭ سۇراقتارى تىڭدالىپ, كەيبىر ماسەلەلەردى دەپارتامەنت ءوز قۇزىرەتىنىڭ شەگىندە باقىلاۋعا الدى. سۇراقتاردىڭ باسىم كوپشىلىگى الەۋمەتتىك سالاسىنا, جەر جانە قۇجاتتاندىرۋ ماسەلەلەرىنە قاتىستى بولدى.
«شارانى ۇيىمداستىرۋداعى ماقساتىمىز – مەملەكەتتىك ورگانداردىڭ اشىقتىعى مەن ايقىندىعىن قامتاماسىز ەتۋ. مەملەكەت باسشىسىنىڭ «حالىق ۇنىنە قۇلاق اساتىن مەملەكەت» قاعيداتىن ىسكە اسىرۋ جونىندەگى تاپسىرماسىن ورىنداۋ شەڭبەرىندە حالىقتىڭ كوپ كەدەرگىلەرگە تاپ بولماي, ساپالى قىزمەت الۋىنا جاعداي جاساۋ. قالىپتاسقان سىندارلى ديالوگتا ناتيجەگە قاناعاتتانعان جانە مەملەكەتتىك ورگانداردىڭ جۇمىسى تۋرالى وڭ پىكىرلەرىن قالدىرعان ازاماتتاردىڭ بىرقاتار قاجەتتىلىكتەرى شەشىلدى», دەيدى قازاقستان رەسپۋبليكاسىنىڭ مەملەكەتتىك قىزمەت ىستەرى اگەنتتىگى الماتى قالاسى دەپارتامەنتىنىڭ وكىلى ماقسات جاڭبىرشيەۆ.
مۇنداي قوعامدىق قابىلداۋلار قالانىڭ ءاربىر اۋدانىنداعى فرونت-وفيستەردە (حقكو) اپتا سايىن ءوتىپ تۇرادى دەيدى ۇيىمداستىرۋشىلار.