قىزىلوردادا الەۋمەتتىك ماڭىزى بار ازىق-ت ۇلىك تاۋارلارى مەن جانار-جاعارماي باعالارى ۇدايى باقىلاۋدا تۇر. ازىق-ت ۇلىك قورىنىڭ ورتايىپ قالماۋىنا دا باسا نازار اۋدارىلعان.
وسى ماسەلەگە وراي وبلىس اكىمى گۇلشارا ابدىقالىقوۆانىڭ توراعالىعىمەن وتكەن جيىندا وبلىستىق اۋىل شارۋاشىلىعى باسقارماسىنىڭ باسشىسى تالعات دۇيسەباەۆ, كاسىپكەرلىك جانە تۋريزم باسقارماسىنىڭ باسشىسى فەردوۋسي قوجابەرگەنوۆ, «بايقوڭىر» اكك» اق باسقارما توراعاسى ەرلان نۇرلانباەۆ جانە باسقا دا دەپارتامەنت باسشىلارى ەسەپ بەردى.
اۋىل شارۋاشىلىعى باسقارماسىنىڭ باسشىسى تالعات دۇيسەباەۆ ازىق-ت ۇلىك قورىنا قاتىستى ناقتى شارالاردىڭ ورىندالۋ بارىسىن باياندادى. بۇگىندە 34 الەۋمەتتىك دۇكەن مەن 18 سۋپەرماركەتتەگى ارنايى بۇرىشتا 19 ءتۇرلى ءونىم شەكتى باعادا ساتىلادى. سونداي-اق ەلىمىزدە جاريالانعان توتەنشە جاعداي كەزىندە وڭىردەگى ساۋدا جەلىلەرىندە تاپشىلىق بولماس ءۇشىن تۇركىستان وبلىسىنان ازىق-ت ۇلىك ونىمدەرىن تاسىمالدايتىن 122 جەكە كاسىپكەردىڭ ءتىزىمى جاسالدى.
تۇراقتاندىرۋ قورىندا 291,4 ملن تەڭگەنى قۇرايتىن 1 393 توننا ءونىم بار. ونىڭ ىشىندە ءبىرىنشى سۇرىپتى بيداي ۇنى, قاراقۇمىق جارماسى, كۇرىش, ماكارون, كۇنباعىس مايى, قانت جانە كوكونىس ونىمدەرى سەكىلدى ازىق-ت ۇلىك قورى جينالعان. مۇنان بولەك, «بايقوڭىر» اكك» ارقىلى «اينالىم سىزباسى» بويىنشا باعانى تۇراقتاندىرۋ ءۇشىن كاسىپكەرلىك سۋبەكتىلەرىن نەسيەلەندىرۋگە 500 ملن تەڭگەگە كەلىسىمشارت جاسالۋدا.
«بايقوڭىر» الەۋمەتتىك-كاسىپكەرلىك كورپوراتسياسىنىڭ» باسقارما توراعاسى ەرلان نۇرلانباەۆتىڭ ايتۋىنشا, قىرىققابات پەن كارتوپ باعاسىندا ءوسىم بايقالىپ تۇر. ول تۇراقتاندىرۋ قورىنىڭ ونىمدەرىنەن جارمەڭكە ۇيىمداستىرۋ ارقىلى باعانى ۇستاپ تۇرۋعا بولاتىنىن ايتىپ ءوتتى.
جيىندا وڭىردەگى جانار-جاعارماي قورى تۋرالى دا ءسوز بولدى. وبلىستىق كاسىپكەرلىك جانە تۋريزم باسقارماسىنىڭ باسشىسى وبلىس اۋماعىنداعى مۇناي ونىمدەرىنىڭ ساۋدالانۋى تۋرالى حابارلاما جاسادى. بۇگىندە باعانىڭ شەكتى ماننەن اسپاۋىنا كۇندەلىكتى مونيتورينگ جۇرگىزىلۋدە.
قىزىلوردا وبلىسى