الماتىداعى وقيعا سالدارىنان 32 جەدەل مەديتسينالىق جاردەم كولىگى زارداپ شەكتى. جۋىردا «Astana Motors» جشس جەدەل مەديتسينالىق جاردەم قىزمەتىنە جاڭا 6 رەانيموبيل اپەردى.
«قاڭتارداعى قايعىلى وقيعالاردا قازا تاپقانداردىڭ وتباسىلارى مەن جاقىندارىنا قايعىرا كوڭىل ايتامىز. قازاقتىڭ «ىرىس الدى – ىنتىماق» دەگەن ماقالى بار. بۇگىنگى تاڭدا ارقايسىسىمىزدىڭ قوسا الاتىن ەڭ قۇندى ۇلەسىمىز – ءبىر-بىرىمىزگە دەگەن قۇرمەتىمىزدى ساقتاپ, بولاشاق ۇرپاق ءۇشىن ەڭبەك ەتۋ», دەدى نۇرلان سماعۇلوۆ اتىنداعى قوردىڭ ديرەكتورى ايدىن سۇلتانوۆ.
«الماتىدا قاڭتار ايىنىڭ باسىنداعى قايعىلى وقيعا كەزىندە مەديتسينالىق ۇيىمنىڭ 32 جەدەل جاردەم كولىگى, تاعى ءبىر مەديتسينالىق مەكەمەنىڭ كولىگى ءب ۇلىندى. سوندىقتان جاڭادان بەرىلىپ وتىرعان رەانيموبيلدەر, اسىرەسە كوروناۆيرۋس ينفەكتسياسىنىڭ ءوسۋى مەن جەدەل جاردەم قىزمەتىنە جۇگىنۋلەر كوبەيىپ جاتقان زاماندا وتە ۇلكەن كومەك بولدى», دەدى الماتى قالاسى جەدەل جاردەم قىزمەتىنىڭ ديرەكتورى ەربول سارسەنباەۆ.
Hyundai H350 Ambulance جەدەل جاردەم كولىگىندە تاجىريبەسى بار دارىگەرلەر ءاۆتوموبيلدىڭ سەنىمدىلىگىن, قاۋىپسىزدىگىن, فۋنكتسيونالدىعى مەن قىزمەت كورسەتۋدىڭ قاراپايىمدىلىعىن اتاپ ءوتتى. جەدەل جاردەم كولىگىنىڭ ارتىقشىلىعى, جايلىلىق پەن جۇمساقتىعى, بۇل دارىگەرلەرگە اۋرۋحاناعا بارار جولدا جانساقتاۋ ءىس-شارالارىن تولىق جۇرگىزۋگە مۇمكىندىك بەرەدى. جەدەل جاردەم كولىگى كەدەن وداعىنىڭ تەحنيكالىق رەگلامەنتتەرىنە, دەنساۋلىق ساقتاۋ مينيسترلىگىنىڭ جولاۋشىلاردى تاسىمالداۋعا ارنالعان كولىك قۇرالدارىنا قويىلاتىن تالاپتارىنا سايكەس كەلەدى جانە ەۋرو-5 ەكولوگيالىق ستاندارتتارىنىڭ ۇدەسىنەن شىعادى.
جاڭا رەانيموبيلدەر العاشقى مەديتسينالىق كومەك كورسەتۋ ءۇشىن وكپەنى جاساندى جەلدەتۋ اپپاراتتارىمەن, وكپەنى جاساندى جەلدەتۋ قۇرىلعىلارى, وتتەگىمەن ينگالياتسيالاۋعا ارنالعان جۇيە جيىنتىعىمەن, دەفيبريللياتور-مونيتورلارىمەن, ەلەكترسورعىشتارمەن, ارتەريالىق قىسىمدى, پۋلسوكسيمەتريانى, تەمپەراتۋرانى ولشەۋ فۋنكتسيالارى بار رەانيماتسيالىق-انەستەزيولوگيالىق مونيتورلارمەن جانە باسقا دا زاماناۋي تەحنولوگيالارمەن جابدىقتالعانىن ايتا كەتۋ كەرەك.
رەانيموبيلدىڭ سوڭعى شىققان مودەلىندە توبەسى جوعارى ورنالاسقان. بۇل دارىگەرگە ناۋقاسقا تىك تۇرىپ كومەكتەسۋگە مۇمكىندىك بەرەدى. سونىمەن قاتار زاماناۋي جەدەل جاردەم كولىگى جوعارى جىلدامدىقتا تەڭسەلمەۋىنە مۇمكىندىك بەرەدى.
الماتى