الماتى قالالىق قوعامدىق دەنساۋلىق باسقارماسىنىڭ باسشىسى ناريمان تابىنباەۆتىڭ ايتۋىنشا, 24 قاڭتارعا دەيىن قالادا كوروناۆيرۋس ينفەكتسياسىن جۇقتىرعاندار سانى 205 667-گە جەتتى. 23 قاڭتار كۇنى كوروناۆيرۋسقا 1 953 ادام شالدىققانى انىقتالدى.
قازىر رۆ-90 ي.جەكەنوۆا اتىنداعى جۇقپالى اۋرۋلار اۋرۋحاناسىنىڭ فيليالىندا ىندەتكە شالدىققان 199 پاتسيەنت بار, ونىڭ 21-ءى جانساقتاۋ بولىمشەسىندە. ورتالىق قالالىق كلينيكالىق اۋرۋحاناسى بازاسىندا اشىلعان تەلەمەديتسينا ورتالىعى ماماندارىنىڭ باقىلاۋىندا 10 188 پاتسيەنت بار. بۇل كورسەتكىش بيىلعى 1-20 قاڭتار ارالىعىندا 20 ەسە ءوستى. ورتاشا العاندا, پاتسيەنتتەرگە شامامەن 5 مىڭ قوڭىراۋ شالىنادى. 20 قاڭتاردا 8 458 قوڭىراۋ سوعىلدى, ونىڭ بارىسىندا ناۋقاستىڭ جاعدايى سۇرالىپ, كۆي ەمدەۋ بويىنشا ۇسىنىمدار بەرىلەدى. ال №7 اۋرۋحانا بازاسىندا ورنالاسقان كۆي-عا قارسى ۆاكتسينالاردىڭ قالالىق قويماسىندا جانە ەگۋ پۋنكتتەرىندەگى I جانە II كومپونەنتتى ۆاكتسينالاردىڭ قالدىعى سينوفارم ۆاكتسيناسىنىڭ 207 733, QazVac ۆاكتسيناسىنىڭ 176 349, Pfizer 254 782 دوزاسىن قۇرايدى.
قالا اكىمى ب.ساعىنتاەۆتىڭ قاتىسۋىمەن وتكەن كۆي تارالۋىنا قارسى ءىس-قيمىل جونىندەگى شتاب وتىرىسىندا كوۆيدتىك ستاتسيونارلاردىڭ باس دارىگەرلەرى پاتسيەنتتەردى قابىلداۋ جانە ەمدەۋ بارىسى تۋرالى باياندادى. بالالار مەن جۇكتى ايەلدەردى ەمدەۋگە ەرەكشە كوڭىل ءبولىنىپ وتىر. ماسەلەن, 1-20 قاڭتار ارالىعىندا قالالىق بالالار جۇقپالى اۋرۋلار اۋرۋحاناسىنا كۆي جۇقتىرعان 346 بالا تۇسسە, ينفەكتسيالىق بولىمشەلەردە 102 جۇكتى ايەل بار.
وتكەن اپتادا الماتى قالالىق قوعامدىق دەنساۋلىق باسقارماسىنىڭ قويماسىنا سپۋتنيك لايت ۆاكتسيناسىنىڭ 12 000 دوزاسى جەتكىزىلدى. بۇل ۆاكتسينا رەۆاكتسينالاۋعا ارنالعان.
الماتى