«وميكرون» جاستار اراسىندا تەز تارايدى

سوڭعى مالىمەتتەرگە سۇيەن­سەك, 19 قاڭتاردا 2 025 ادامنىڭ ىندەت جۇقتىرعانى انىقتالدى. سوڭعى تاۋلىك­تە 131 الماتىلىق ەمدەلىپ شىق­سا, ورنىنا 241 ادام اۋ­رۋحاناعا ءتۇستى. ينفەك­تسيا­­لىق ستاتسيونارلاردا 2 380 توسەكتىك ورىن بار, وندا جاتقان 1 244 ناۋقاستىڭ ىشىندە 179 بالا ەمدەلىپ جاتىر. جالپى, جانساقتاۋ جانە قارقىندى تەراپيا بولىمشەلەرىندە 71 پاتسيەنت بار. بۇعان قوسا بمسك مەن تەلەمەديتسينا ورتالىعى دارىگەرلەرىنىڭ باقىلاۋىندا 8 455 ناۋقاس بولسا, ولاردىڭ ىشىندە جەڭىل جانە ورتاشا اۋىر دارە­جەسىندە 8 008, سيمپتوم­سىز 447 ناۋقاس تىركەلگەن.

وتكەن اپتادا الما­تىنىڭ جاڭا باس سانيتارى قارلىعاش ءابدىجابباروۆا «وميكرون» شتامى حالىق اراسىندا كوپ تارالاتىنى جانە جاقىن ارادا «دەلتانى» ىعىستىراتىنى تۋرالى ءوز بولجامىن جاساپ, كوروناۆيرۋستىڭ كەزەكتى تولقىنى ناۋرىز ايىندا شارىقتايتىنىن ايتقان ەدى.

قالالىق سانيتاريالىق-ەپيدەميولوگيالىق با­­قىلاۋ دەپارتامەنتى كو­رو­­­­­نا­­ۆيرۋسقا قاتىستى دەرەك­­­تەردى تالداي كەلە, سىنا­­مالاردىڭ 71%-ىندا «دەل­­تا» نۇسقاسى, تاعى 16%-ىندا «دەلتا پليۋس» جانە 4,7%-ىندا باسقا شتامدار تابىلعانىن, سونداي-اق 6 قاڭتارداعى تولىق گەنومدىق سەكۆەنيرلەۋ ناتيجەلەرى بويىنشا قالادا الىنعان 7 سىنامادا «وميكرون» انىقتالعانىن مالىمدەدى.

الماتىنىڭ باس سانيتارى كوروناۆيرۋستىڭ جاڭا شتامدارى مەگاپوليس تۇرعىندارى ۆاكتسينالانىپ, بۋستەرلىك ەكپەلەردى العانعا دەيىن پايدا بولدى, دەپ ەسەپتەيدى. قالادا ءالى دە كۆي-عا قارسى يممۋندىق قابات جەتكىلىكسىز.

«الەمنىڭ جەتەكشى عا­لىمدارى مەن ساراپشى­لارىنىڭ دەرەكتەرىنە كوز سالساق, قولدانىستاعى ۆاك­­­تسينالارمەن رەۆاكتسينا­لاۋ «وميكرون» شتامى سال­­دا­رىنان 70%-عا قور­عايدى. سوندىقتان ۆاك­تسي­نا العانىنا 6 اي وت­كەن كوپ­شىلىكتى قاي­تا ۆاك­تسينالاۋعا شاقىرا­مىن. بۇل كەزەڭدە قالا تۇرعىندارىنا شەكتەۋ شارالارىنىڭ تالاپ­تا­رىن قاتاڭ ساقتاۋ, قوعام­دىق ورىنداردا الەۋمەت­تىك قاشىقتىق پەن ماس­كا تاعۋ رەجىمىن ساق­تاۋ وتە ماڭىزدى», دەدى ق.ءابدى­جاب­باروۆا.

سونداي-اق ول 20-30 جاس ارالىعىنداعىلار ءۇشىن «ومي­­­ك­­رون­نىڭ» قاۋىپتى ەكە­­­­­نىن ەسكەرتتى. ويتكەنى ۆي­­رۋس­­ت­ىڭ جاڭا ءتۇرى وسى جاس­تاعىلارعا ەرەكشە اسەر ەتەتىن كورىنەدى. قا­راپ وتىر­ساق, تەك وتكەن اپتا­دا كوروناۆيرۋس جۇقتىر­عانداردىڭ ۇلەسى 20 جاستان 40 جاسقا دەيىنگى ادامدار اراسىندا 16,4%-عا, جاسوسپىرىمدەر اراسىندا 1,1%-عا كۇرت ءوستى. بۇل «وميكرون» شتامىنا دا ءتان.

الماتىدا ىندەتكە قار­سى ەگۋ باستالعالى بەرى ءبىرىن­شى كومپونەنتپەن 1 092 822 ادام, ەكىنشى كومپونەنتپەن 1 040 794 ادام ۆاكتسينالاندى. ۆاكتسينا العانداردىڭ ىشىندە 60 جاستان اسقان ادام­دار سانى – 123 697.

بۇگىنگى تاڭدا Pfizer كوم­پانياسىنىڭ ەكپەسىن 35 158 ادام, ونىڭ ىشىندە 1 913 جۇكتى ايەل, 7 392 ءسابيى بار انا مەن 25 853 بالا سالدىردى. 98 762 قالا تۇرعىنى رەۆاكتسينالاۋدان ءوتتى.

قازىر قالانىڭ مەديتسي­نالىق ۇيىمدارىندا 119 ۆاك­تسينالاۋ پۋنكتى جۇمىس ىس­تەيدى. بۇدان بولەك 140 ۆاك­­­تسينالاۋ بريگاداسىندا 522 مەديتسينا قىزمەتكەرى جۇمىلدىرىلعان.

الماتى