الماتىدا تەرروريزمگە قارسى وپەراتسيا باستالعالى بەرى 2402 ادام ۇستالدى. بۇل تۋرالى الماتى قالاسى كومەنداتۋراسىنىڭ اقپاراتتىق ورتالىعى مالىمدەدى, دەپ حابارلايدى Egemen.kz.
كومەنداتۋرا مالىمەتىنشە, ارنايى وپەراتسيا بارىسىندا الماتىدا لاڭكەستىك, توناۋ جانە باسقا دا قىلمىستاردىڭ 2402 قاتىسۋشىسى ۇستالدى. 79 بىرلىك اتىس قارۋى مەن 3976 وق-ءدارى تاركىلەندى.
«وتكەن تاۋىلىكتە «102» پۋلتىنە 586 حابارلاما كەلىپ ءتۇستى. كومەنداتۋرانىڭ كولل-ورتالىعىنا ازاماتتاردان جەدەل ارەكەت ەتۋدى تالاپ ەتەتىن 93 دابىل قابىلداندى. بارلىق حابارلامالار دەر كەزىندە وڭدەلدى», دەيدى الماتى قالاسى كومەنداتۋراسىنىڭ رەسمي وكىلى سالتانات ازىربەك.