بۇگىن انىقتالعان مالىمەت بويىنشا شەتەلدە 3 381 قازاقستاندىق تۋريست ءجۇر, دەپ حابارلايدى Egemen.kz
«تۋريستىك قامقور» كورپوراتيۆتىك قورىنىڭ مالىمەتىنشە, 12 قاڭتارداعى جاعداي بويىنشا شەتەلدە 3 381 قازاقستاندىق تۋريست ءجۇر: 1 164 ادام - ءباا-دە, 920 - تايلاندتا, 411 - شري-لانكادا, 181 - تۇركيادا, 60 - مالديۆتە.
«تۋريستىك قامقور» كورپوراتيۆتىك قورىنىڭ ءتورايىمى يننا رەيدىڭ ايتۋىنشا, تج جاعدايى جاريالانعاننان كەيىن دە تۋريستەر دۋبايعا جانە انتالياعا ۇشىپ جاتىر, سول سەبەپتى شەتەلدەگى تۋريستەر سانى ازايماي جاتقان بولىپ كورىنۋى مۇمكىن. وسىعان دەيىن ناقتى سانىن ايتۋ دا قيىن بولدى, ويتكەنى جۇيە دۇرىس ىستەمەدى.
شەتەلدە قالىپ قويعان تۋريستەر ۇيلەرىنە قايتىپ جاتىر, 14 قاڭتاردان باستاپ ولار كەستەگە ساي ۇشاتىن بولادى.