پرەمەر-مينيستر سەرىك احمەتوۆ مادەنيەت مينيسترلىگىنىڭ ۇجىمىنا ۆەدومستۆونىڭ جاڭا باسشىسى ارىستانبەك مۇحامەدي ۇلىن تانىستىردى, دەپ حابارلادى پرەمەر-مينيستردىڭ باسپاسوز قىزمەتى.
«مەملەكەت باسشىسىنىڭ جارلىعىمەن ارىستانبەك مۇحامەدي ۇلى مادەنيەت ءمينيسترى بولىپ تاعايىندالدى. مەملەكەت باسشىسى سىزگە وسىناۋ جۇمىستىڭ ماڭىزدى سالاسىن سەنىپ تاپسىردى. پرەزيدەنت كوپۇلتتى قازاقستاننىڭ مادەنيەتىنە, توزىمدىلىكتى نىعايتۋعا, ۇلتارالىق كەلىسىمگە ايرىقشا كوڭىل بولەدى», دەگەن ۇكىمەت باسشىسى مادەنيەت مينيسترلىگىنىڭ جاڭا باسشىسىنا جۇمىستا تابىستار تىلەدى.
پرەمەر-مينيستر, سونداي-اق, ۆەدومستۆونىڭ بۇرىنعى باسشىسى مۇحتار قۇل-مۇحاممەدكە اتقارعان جۇمىسى ءۇشىن العىس ءبىلدىردى.
م.قۇل-مۇحاممەدتىڭ باسشىلىعىمەن مادەنيەت جانە اقپارات سالاسىندا بەلگىلى ءبىر ناتيجەلەرگە قول جەتكىزىلدى, دەگەن س.احمەتوۆ «ءسىز وتاندىق مادەنيەت پەن ونەردىڭ دامۋىنا ەلەۋلى ۇلەس قوستىڭىز», دەپ ونىڭ ەڭبەگىن اتاپ ءوتتى.
مەملەكەت باسشىسىنىڭ وكىمىمەن م.قۇل-مۇحاممەدتىڭ پرەزيدەنت كەڭەسشىسى بولىپ تاعايىندالعانىن ەسكە سالامىز.