ەكىنشى ورتا سالماق دارەجەسىندەگى الەمنىڭ ءابسوليۋتتى چەمپيونى ساۋل «كانەلو» الۆارەستىڭ باپكەرى ەددي رەينوسو ءجيى سالماق اۋىستىراتىن الۆارەستىڭ اسا اۋىر سالماقتا قولعاپ ءتۇيىستىرىپ جۇرگەن ۋكراينالىق الەكساندر ۋسيككە قارسى ەشقاشان رينگكە كوتەرىلمەيتىنىن جەتكىزدى, دەپ حابارلايدى Egemen.kz.
«ساۋل الەكساندر ۋسيكپەن ەشقاشان كەزدەسپەيدى. ويتكەنى ۋكراينالىق بوكسشى اسا اۋىر سالماقتا باق سىناپ ءجۇر. ەسەسىنە الەكساندر ۋسيككە قارسى فرەنك سانچەس دايىندالىپ ءجۇر. ءبىز سانچەستى كەلەسى جىلى الەم چەمپيونىمەن كەزدەستىرۋگە نيەتتىمىز. ول قازىرگى كەزدە WBC تۇجىرىمى بويىنشا رەيتينگتە ءتورتىنشى ورىندا تۇر. وزگە ۇيىمداردىڭ رەيتينگىندە دە ۇزدىك بەستىكتە بار. سوندىقتان فرەنك سانچەس الەم چەمپيونى اتاعىنا تالاسۋعا ابدەن لايىقتى», دەيدى باپكەر.