تۇركىستان وبلىسى كەلەس اۋدانىندا ەل تاۋەلسىزدىگىنىڭ 30 جىلدىعىنا جانە وبلىستىق «جاستار رەسۋرستىق ورتالىعىنىڭ» قۇرىلعانىنا 10 جىل تولۋىنا ارنالعان رەسپۋبليكالىق «وي دودا» ينتەللەكتۋالدى سايىسى ءوتتى.
ەلباسى نۇرسۇلتان نازارباەۆتىڭ «بولاشاققا باعدار: رۋحاني جاڭعىرۋ» باعدارلاماسى جانە «ەلدىكتىڭ جەتى تۇعىرى» قاعيداتىنىڭ التىنشى – ء«بىلىم مەن ەڭبەك – باقۋاتتى ءومىردىڭ كىلتى» اتتى تارماعى اياسىندا وتكەن ءبىلىم سايىسىنا الماتى, شىمكەنت قالالارى, جامبىل, قىزىلوردا جانە تۇركىستان وبلىستارىنان 39 توپ باق سىنادى. ەلىمىزدىڭ ءبىلىمدى جاستارىنىڭ باسىن قوسقان سايىس وتە تارتىستى ءوتتى. ناتيجەسىندە, ءۇشىنشى ورىندى تۇركىستان وبلىسىنىڭ قۇراماسى, ياعني Key To Life كومانداسى يەلەنسە, ەكىنشى ورىندى سايرام اۋدانىنىڭ «ەرۋديت» كومانداسى ەنشىلەدى. ال ءبىرىنشى ورىندى الماتى قالاسىنىڭ ء«ال-فارابي» كومانداسى جەڭىپ الدى. جەڭىسكە جەتكەن كوماندالارعا اۋدان اكىمى اتىنان ارنايى العىس حات جانە قارجىلاي سىيلىقتار تابىستالدى. سونداي-اق «ۇزدىك ويىنشى», «ۇزدىك كاپيتان», «ۇزدىك جاۋاپ» اتالىمدارى بويىنشا دا ۇزدىكتەر ماراپاتتالدى.
تۇركىستان وبلىسى