وسكەمەندەگى №2 سوتتىڭ ءباسپاسوز قىزمەتى «جەتىم بالالار مەن اتا-اناسىنىڭ قامقورلىعىنسىز قالعان بالالارعا ارنالعان وبلىستىق ارنايى مەكتەپ-ينتەرنات» كمم ديرەكتورىنا قاتىستى اسا ءىرى كولەمدە بيۋدجەت قاراجاتىن جىمقىردى دەگەن كۇدىكپەن قىلمىستىق ءىس قارالعانىن حابارلادى, دەپ جازادى Egemen.kz.
تەرگەۋ امالدارىنىڭ قورىتىندىسى بويىنشا, 2013-2019 جىلدار ارالىعىندا ديرەكتور قىزمەتىن اتقارعان سوتتالۋشى جالپى سوماسى 12 830 996 تەڭگەگە سەنىپ تاپسىرىلعان بوتەن م ۇلىكتى ۇرلاپ كەتكەن.
جابىرلەنۋشى وكىلىنىڭ, كۋاگەرلەردىڭ ايعاقتارى, بۋحگالتەرلىك قۇجاتتار مەن ساراپتاما قورىتىندىسى كۇدىكتىنىڭ كىناسىن راستادى.
الايدا, سوتتالۋشى كىناسىن مويىندامادى. بۇرىنعى ديرەكتور مەن ونىڭ ادۆوكاتى اقتاۋ ۇكىمىن شىعارىپ, ءىستى توقتاتۋدى سۇرادى.
پروكۋرور قىلمىسكەردى 9 جىلعا باس بوستاندىعىنان ايىرۋدى تالاپ ەتتى, بىراق سوت بۇل ماسەلەدە ايىپتالۋشىنىڭ بالالارى بار ەكەنىن نازارعا الدى.
«قىلمىستىق قۇقىق بۇزۋشىلىقتى العاش رەت جاساۋدى, كامەلەتكە تولماعان بالانىڭ بولۋىن, اۋىرلاتاتىن ءمان-جايلاردىڭ بولماۋىن, ءارى زالالدىڭ وتەلمەگەنىن ەسكەرە وتىرىپ, سوت مەملەكەتتىك قىزمەتتە قىزمەت اتقارۋ قۇقىعىنان ءومىر بويىنا ايىرا وتىرىپ, 7 جىل باس بوستاندىعىنان ايىرۋ تۇرىندەگى جازا تاعايىندادى», دەپ حابارلادى № 2 سوتتا.
ۇكىم زاڭدى كۇشىنە ەنگەن جوق.