الماتى مەتروپوليتەنى «الاتاۋ» ستانساسىنداعى تۇتىنگە قاتىستى تۇسىنىكتەمە بەردى, دەپ حابارلايدى Egemen.kz.
الەۋمەتتىك جەلىلەردە الماتىداعى مەترو ستانساسىنان شىققان ءتۇتىننىڭ ۆيدەوسى پايدا بولدى.
الماتى مەتروپوليتەنى وقيعاعا قاتىستى تۇسىنىك بەردى.
«پنەۆماتيكالىق تەجەگىش ىسكە قوسىلعان. پنەۆماتيكالىق تەجەۋ جۇيەسى قولدانىلعان كەزدە تەجەگىش توسەنىشتەرى قىزىپ كەتەدى. قازىرگى ۋاقىتتا ناقتى سەبەبى انىقتالىپ جاتىر, ۆاگوندار قۇرامى جەلىدەن الىنىپ, دياگنوستيكا جاساۋ ءۇشىن دەپوعا جىبەرىلدى», دەپ حابارلادى مەتروپوليتەننىڭ ءباسپاسوز قىزمەتى.
كەستەدە ەشقانداي وزگەرىس جوق, مەترو شتاتتىق رەجيمدە جۇمىس ىستەپ تۇر.