ۇكىمەتتىك ەمەس ۇيىمدار وكىلدەرى ءۇشىن قۇقىقتىق جانە باسقارۋشىلىق بىلىمدەردىڭ جۇيەلەندىرىلگەن كۋرسى ءموبيلدى قوسىمشا فورماتىندا دا قولجەتىمدى بولا باستادى, دەپ حابارلايدى Egemen.kz.
ءموبيلدى قوسىمشا قوعامدىق ۇيىمداردىڭ جۇمىسىنا قاجەتتى نەگىزگى باعىتتاردى زەرتتەگىسى كەلەتىندەر ءۇشىن ارنالعان. ول جالپى ءبىلىم بەرۋ باعدارلاماسىنىڭ 8 ءمودۋلىن قامتيدى. ولاردىڭ ىشىندە: ماركەتينگ جانە PR, فاندرايزينگ, جوبالاردى باسقارۋ, اقپاراتتىق تەحنولوگيالار, الەۋمەتتىك ديزاين, ەكونوميكالىق جانە قارجىلىق ساۋاتتىلىق, قۇقىقتىق جانە سالىقتىق ساۋاتتىلىق, ەسەپ جازۋ مودۋلدەرى بار.
وعان قوسا, قوسىمشادا ستراتەگيالىق ويلاۋ, ءتيىمدى باسقارۋ داعدىلارى, الەۋمەتتىك ماركەتينگ, قارجىلىق ساۋاتتىلىق, بيزنەس-مودەل/بيزنەس-جوسپار قۇرۋ سياقتى الەۋمەتتىك كاسىپكەرلىك مەكتەبىنىڭ مودۋلدەرى دە قاراستىرىلعان. ءار مودۋلدەن كەيىن پايدالانۋشىلار بىلىمدەرىن بەكىتۋگە ارنالعان سىناقتان وتەدى.
«ۇەۇ اكادەمياسى» موبيلدىك قوسىمشاسى - وقىتۋ باعدارلاماسىنىڭ لوگيكالىق جالعاسى. بۇنى «ۇستەل كىتابى» دەپ اتاۋعا دا بولادى. وندا الىنعان ءبىلىمدى جاڭارتىپ, تاقىرىپتى قايتالاۋعا بولادى, بۇرىن بىلمەگەن جاڭا اقپاراتتارمەن تانىسۋ مۇمكىندىگى دە بار. قوسىمشا كەرەك ادامدارعا تاپتىرماس كومەكشى بولاتىنىنا سەنىمدىمىن», دەپ ءتۇسىندىردى «ۇەۇ اكادەمياسى» جوباسىنىڭ جەتەكشىسى يرينا ۆيگوۆسكايا.
ءموبيلدى قوسىمشانى https://play.google.com/store/apps/details… سىلتەمەسى بويىنشا تەگىن جۇكتەپ الۋعا بولادى.