بۇل تۋرالى ەلوردالىق ءماسليحاتتا وتكەن تۇراقتى كوميسسيانىڭ وتىرىسى بارىسىندا ەكونوميكا جانە بيۋدجەتتىك جوسپارلاۋ باسقارماسى باسشىسىنىڭ ورىنباسارى المات سەيتقۇلوۆ ايتتى, دەپ جازادى Egemen.kz.
سونداي-اق ول اتالعان قۇرىلىس نىساندارى اياقتالۋى ءۇشىن قاجەتتى قاراجاتتىڭ بولىنگەنىن اتاپ ءوتتى.
«جىلدىڭ سوڭىنا دەيىن ۇلەسكەرلىك قۇرىلىسپەن سالىنىپ جاتقان 18 پروبلەمالىق نىساندى اياقتاۋ جوسپارلانىپ وتىر. ول ءۇشىن قاجەتتى قاراجاتتار بولىنگەن. وسىلايشا, 7,5 مىڭ ۇلەسكەر وزدەرىنىڭ جاڭا باسپاناسىنىڭ كىلتىن يەلەنەدى», دەدى باسقارما باسشىسىنىڭ ورىنباسارى.
ايتا كەتەيىك, ەلورداداعى پروبلەمالاردى شەشۋ ءۇشىن ارنايى جول كارتاسى ازىرلەنگەن. ول 107 تارماقتان تۇراتىن 13 نەگىزگى باعىتتى قامتيدى. ونىڭ ورىندالۋى ءۇشىن 2021-2025 جىلدارعا ارناپ 878,8 ملرد تەڭگە قاراستىرىلعان.