كوكشەتاۋدا بەس قاباتتى تۇرعىن ۇيدە گاز-اۋا قوسپاسىنىڭ جارىلۋى كەزىندە زارداپ شەككەن ادامنىڭ جاعدايى بەلگىلى بولدى, دەپ حابارلايدى Egemen.kz.
اقمولا وبلىستىق كوپبەيىندى اۋرۋحاناسى ديرەكتورىنىڭ ورىنباسارى دميتري چايكوۆتىڭ ايتۋىنشا, اۋرۋحاناعا جارىلىستان كەيىن كۇيىك شالعان ايەل تۇسكەن.
«ونىڭ جاعدايى ورتاشا اۋىر. دەنەسىنىڭ 20 پايىزىن, نەگىزىنەن, اياقتارىن كۇيىك شالعان. ول ەسىن بىلەدى, جاعدايى تۇراقتى, جالپى پالاتاعا جاتقىزىلدى. ناۋقاس بارلىق قاجەتتى ەمدى تولىق كولەمدە الۋدا», دەپ ءتۇسىندىردى دارىگەر.
جارىلىستان زارداپ شەككەن ەكىنشى تۇرعىن اۋرۋحاناعا جاتقىزىلعان جوق.
ەسكە سالا كەتسەك, كەشە كوكشەتاۋ قالاسىنىڭ كوكتەم شاعىن اۋدانىنداعى بەس قاباتتى تۇرعىن ۇيدە گاز جارىلدى. جارىلىس سالدارىنان ەكى ادام زارداپ شەكتى.