بيىلعى 24 قىركۇيەك پەن 1 قازان كۇندەرى ارالىعىندا وسىمدىكتەر كارانتينى جونىندەگى مەملەكەتتىك ينسپەكتورلار كارانتينگە جاتقىزىلعان ءونىمدى قازاقستان اۋماعىنا باسقا ەلدەردەن اكەلۋ كەزىندە وسىمدىكتەر كارانتينى سالاسىندا 72 زاڭ بۇزۋشىلىقتى انىقتادى, دەپ جازادى Egemen.kz.
بۇل تۋرالى اشم ءباسپاسوز قىزمەتى حابارلادى.
كارانتيندىك فيتوسانيتاريالىق باقىلاۋ جۇرگىزۋ كەزىندە فيتوسانيتاريالىق تالاپتارعا جاۋاپ بەرمەيتىن كارانتينگە جاتقىزىلعان كەلەسى ونىمدەردىڭ اكەلىنۋىنە توسقاۋىل قويىلدى:
- رەسەي فەدەراتسياسىنان 743 توننا بيداي, ارپا, كارتوپ, نوقات, قىزاناق, قيار, بۇرىش, قىزىلشا, بايالدى, الما, بانان, كەپتىرىلگەن جەمىستەر, 265 م3 اعاش ماتەريالدارى جانە 10 479 دانا ءشوپتى وسىمدىك كوشەتى جانە گۇل داقىلدارىنىڭ تامىرلارى;
- قىرعىزستان رەسپۋبليكاسىنان 57,2 توننا الما, المۇرت, شىرعاناق;
- اۋعانستاننان 10 توننا كەپتىرىلگەن ورىك;
- تۇركيادان 20 توننا كەپتىرىلگەن ورىك;
- وزبەكستاننان 0,35 توننا ءجۇزىم, قۇرما, قاۋىن تۇقىمى, جوڭىشقا تۇقىمى جانە 10 دانا شىرشا كوشەتى.
«ناتيجەسىندە وسىمدىكتەر كارانتينى سالاسىنداعى زاڭنامانى بۇزۋعا جول بەرگەن تۇلعالار قر اقبتك-ءنىڭ 400-بابى بويىنشا اكىمشىلىك جاۋاپكەرشىلىككە تارتىلىپ, 3,8 ملن تەڭگە سوماسىنا اكىمشىلىك ايىپپۇل سالىندى. نەگىزگى بۇزۋشىلىقتار فيتوسانيتاريالىق سەرتيفيكاتتىڭ بولماۋى, تاڭبالاۋدىڭ بولماۋى جانە كارانتينگە جاتقىزىلعان ءونىمدى قايتالاما تەكسەرۋگە ۇسىنباۋ بولىپ تابىلادى», دەلىنگەن ۆەدومستۆو حابارلاماسىندا.
سونىمەن قاتار قىرعىزستان رەسپۋبليكاسىنان 17 توننا المۇرت پەن الما ونىمدەرىن اكەلۋ كەزىندە قازاقستان رەسپۋبليكاسى ءۇشىن كارانتيندىك وبەكت - شىعىس جەمىس جەمىرى (Grapholita molesta) انىقتالدى.
ايتا كەتسەك, 2021 جىلدىڭ 1 قاڭتارىنان باستاپ قر اۋىل شارۋاشىلىعى مينيسترلىگى اگروونەركاسىپتىك كەشەندەگى مەملەكەتتىك ينسپەكتسيا كوميتەتىنىڭ وسىمدىكتەر كارانتينى جونىندەگى مەملەكەتتىك ينسپەكتورلارى وسىمدىكتەر كارانتينى سالاسىندا 4,9 مىڭ زاڭ بۇزۋشىلىقتى انىقتاپ, ناتيجەسىندە 367,1 ملن تەڭگە سوماسىنا اكىمشىلىك ايىپپۇل سالىندى.