بۇل تۋرالى ۇكىمەت وتىرىسىندا قر ەكولوگيا, گەولوگيا جانە تابيعي رەسۋرستار ءمينيسترى سەرىكقالي برەكەشەۆ ايتتى, دەپ جازادى Egemen.kz.
قر پرەزيدەنتى قاسىم-جومارت توقاەۆتىڭ تاپسىرماسىنا سايكەس, 2030 جىلعا دەيىن سۋارمالى جەر كولەمى 3 ميلليون گەكتارعا جەتۋى كەرەك.
ءمينيستردىڭ مالىمدەۋىنشە, بۇگىنگى تاڭدا 1,6 ميلليون گەكتار سۋارمالى جەر بار.
«بەس جىل ىشىندە 600 مىڭ گەكتار سۋارمالى جەردى قالپىنا كەلتىرۋ جونىندەگى جۇمىستار جالعاستىرىلادى. وسىلايشا, سۋارمالى جەرلەردىڭ الاڭى 2,2 ميلليون گەكتارعا دەيىن جەتكىزىلەتىن بولادى», دەدى س. برەكەشەۆ.
سونىمەن قاتار 2025-2030 جىلدار ارالىعىندا 800 مىڭ گەكتار سۋارمالى جەر اينالىمعا ەنگىزىلەتىن بولادى.