ماڭعىستاۋ وبلىسى اكىمىنىڭ ءبىرىنشى ورىنباسارى مەن اۋدان باسشىلارىنا «Nur Otan» جول كارتاسىن ورىنداماعانى ءۇشىن سوگىس جاريالاندى, دەپ جازادى Egemen.kz.
ماڭعىستاۋ وبلىسىنىڭ اكىمى, «Nur Otan» پارتياسى ماڭعىستاۋ وبلىستىق فيليالى ساياسي كەڭەسىنىڭ مۇشەسى نۇرلان نوعاەۆتىڭ توراعالىعىمەن پارتيانىڭ وبلىستىق فيليالىندا ساياسي كەڭەس بيۋروسىنىڭ وتىرىسى ءوتتى.
كۇن تارتىبىندە «Nur Otan» پارتياسىنىڭ «ماڭعىستاۋ وبلىسىنىڭ 2021-2025 جىلدارعا ارنالعان «وزگەرىستەر جولى: ءار ازاماتقا لايىقتى ءومىر!» سايلاۋالدى باعدارلاماسىن ىسكە اسىرۋ جونىندەگى جوسپارى قارالدى. جوسپارعا الەۋمەتتىك نىساندار قۇرىلىسى, جول ينفراقۇرىلىمى, حالىقتى جۇمىسپەن قامتۋ, شاعىن جانە ورتا بيزنەستى دامىتۋ جانە ت.ب., بارلىعى 112 شارا ەنگىزىلگەن.
ساياسي كەڭەس بيۋرو وتىرىسىندا بەكىتىلگەن جول كارتاسىنىڭ ماڭعىستاۋ وبلىسى بويىنشا سايلاۋالدى مىندەتتەمەلەرىن ورىنداۋ اياسىندا «Nur Otan» پارتياسىنىڭ وبلىستىق, قالالىق, اۋداندىق سايلاۋالدى باعدارلامالارىنا جۇيەلى مونيتورينگ ۇيىمداستىرعان. وبلىستا جانە اۋداندار مەن قالالاردا ارنايى شتاب جۇمىس ىستەيدى.
جىل باسىنان بەرى جۇرگىزىلگەن تالداۋ ناتيجەسىندە بارلىعى 112 ءىس-شارانىڭ 41-ءى ورىندالدى, 6-ى ورىندالۋ ساتىسىندا, التاۋىنىڭ ورىندالماۋ قاۋپى بار, 4-ءى اۋىستىرۋدى قاجەت ەتەدى.
«بۇل جۇمىستارعا مەملەكەتتىك ورگان باسشىلارى جاۋاپتى. حالىق بىزدەن جول كارتاسىن ساپالى جۇزەگە اسىرۋدى كۇتەدى, سوندىقتان ءبىز وزىمىزگە ارتىلعان سەنىمدى اقتاۋعا مىندەتتىمىز. جوسپاردىڭ ورىندالماۋى اكىمدەر مەن باسقارما باسشىلارى اراسىندا ىشكى بايلانىستىڭ جوقتىعىن كورسەتىپ تۇر. بۇل ىسكە دەگەن جۇيەلى جۇمىستىڭ جوقتىعى. ءبارىمىز ءبىر باعىتتا جۇمىس ىستەۋىمىز كەرەك. سوندا عانا الدىمىزعا قويىلعان مىندەتتەردى ورىنداپ, ءوز مۇمكىندىكتەرىمىزدى ءتيىمدى پايدالاناتىن بولامىز», دەدى نۇرلان نوعاەۆ.
وتىرىس سوڭىندا ماڭعىستاۋ وبلىسى اكىمىنىڭ ءبىرىنشى ورىنباسارىنا, قاراقيا جانە بەينەۋ اۋداندارىنىڭ اكىمدەرىنە «Nur Otan» پارتياسىنىڭ جول كارتاسىن دۇرىس باقىلاماعانى جانە تيىسىنشە ورىنداماعانى ءۇشىن سوگىس تۇرىندە پارتيالىق جازا بەرىلدى.
نۇرلان نوعاەۆ جاۋاپتى تۇلعالارعا جۇكتەلگەن مىندەتتەردى مەرزىمىندە ورىنداۋدى تاپسىردى.