بۇگىن ۇكىمەت وتىرىسىندا ەنەرگەتيكا ءمينيسترى ماعزۇم مىرزاعاليەۆ يندۋستريالاندىرۋ كارتاسىنىڭ وڭىرلىك جوبالارى تۋرالى ايتتى, دەپ حابارلايدى Egemen.kz.
«يندۋستريالاندىرۋ كارتاسىنىڭ وڭىرلىك جوبالارى ەكى نەگىزگى باعىت بويىنشا ەلىمىزدىڭ بەس وبلىسىندا شوعىرلانعان. مۇناي جانە گاز وڭدەۋ سالاسىندا 113 ملرد تەڭگە قۇرايتىن التى جوبا بار», دەدى م. مىرزاعاليەۆ.
ونىڭ ىشىندە: اقتوبە وبلىسىندا 7,9 ملرد تەڭگە سوماسىنا ءتورت جوبا ىسكە اسىرىلۋدا. اتاپ ايتساق, مۇناي-حيميا رەاگەنتتەرىن ءوندىرۋ, مونتاج كوبىگى, مينەرالدى ماقتا بويىنشا, سونداي-اق ىلەسپە گازدى قايتا وڭدەۋ جوبالارى. بۇل جوبالار بيىل ىسكە اسىرىلىپ بىتەدى. ناتيجەسىندە, 300-دەن استام جاڭا جۇمىس ورنىن قۇرۋعا مۇمكىندىك بەرەدى. تۇركىستان وبلىسىندا 105 ملرد تەڭگە سوماسىنا ەكى جوبا ىسكە اسىرىلىپ جاتىر. بيىلدىڭ سوڭىنا دەيىن مۇناي ونىمدەرىن وندىرۋگە باعىتتالعان جوبا اياقتالادى دەپ كۇتىلۋدە. سونداي-اق, 2022 جىلى موتور وتىنى مەن مۇناي-حيميا ونىمدەرىن دايىندايتىن زاۋىتتىڭ قۇرىلىسى جوسپارلانىپ وتىر. وسى جوبالاردى ىسكە اسىرۋدىڭ ناتيجەسىندە 400-دەن استام جاڭا جۇمىس ورنى پايدا بولادى.
«جاڭارتىلاتىن ەنەرگيا كوزدەرى سالاسىندا 87 ملرد تەڭگە سوماسىنا 10 جوبا جۇزەگە اسىرىلىپ جاتىر. جيىنتىق قۋاتى 170 مۆت بولادى. اتاپ ايتساق, شىعىس قازاقستاندا, الماتى جانە قوستاناي وبلىستارىندا 9 جەل ەلەكتر ستانتسياسى سالىنىپ جاتىر. ءبىر گيدروەلەكترو ستانتسياسىنىڭ قۇرىلىسى الماتى وبلىسىندا جۇزەگە اسۋدا», دەدى مينيستر.