Antikor Ortalyğy الاڭىندا Antikor.live جانە Protecting Business and Investments جوبالارى شەڭبەرىندە سىبايلاس جەمقورلىققا قارسى ءىس-قيمىل اگەنتتىگى نۇر-سۇلتان قالاسى بويىنشا دەپارتامەنتىنىڭ باستاماسىمەن ەلوردادا سىبايلاس جەمقورلىققا قارسى كومپلاەنستى دامىتۋ ماسەلەسى بويىنشا ونلاين كەزدەسۋ ءوتتى.
ءىس-شاراعا The Development Fund of Agriculture LTD (TDFA) ديرەكتورلار كەڭەسى توراعاسىنىڭ زاڭ ماسەلەلەرى جونىندەگى كەڭەسشىسى اماناي ماحمەتوۆ جانە سىبايلاس جەمقورلىققا قارسى ءىس-قيمىل اگەنتتىگى نۇر-سۇلتان قالاسى بويىنشا دەپارتامەنتىنىڭ اسا ماڭىزدى ىستەر جونىندەگى وفيتسەرى دياس قوزىباەۆ قاتىستى.
اتالعان كومپانيادا كومپلاەنس-قىزمەت جۇمىس ىستەيدى.
دياس قوزىباەۆ ءوز سوزىندە بيزنەستى پاراساتتى جۇرگىزۋدىڭ ماڭىزدىلىعىن اتاپ ءوتىپ, كۆازيمەملەكەتتىك سەكتورلاردا سىبايلاس جەمقورلىققا قارسى كومپلاەنستى ەنگىزۋ مىندەتتى زاڭنامالىق دەڭگەيدە ەنگىزىلگەن جانە كورپوراتيۆتىك ادالدىق ستاندارتتارىنىڭ ساقتالۋىن باقىلاۋدى كوزدەيدى. سونداي-اق سپيكەر كومپلاەنس-قىزمەتتەردى قۇرۋ, ولاردى بىلىكتى كادرلارمەن جاساقتاۋ بارلىق كۆازيمەملەكەتتىك سەكتورلاردا جۇرگىزىلىپ جاتقانىن اتاپ ءوتتى.
ءوز كەزەگىندە اماناي ماحمەتوۆ TDFA قىزمەتى جانە وندا قۇرىلعان كومپلاەنس-قىزمەتىنىڭ جۇمىسى تۋرالى, سونداي-اق سىبايلاس جەمقورلىقتى ازايتۋعا جانە ەلدەگى تۇرمىستىق سىبايلاس جەمقورلىقتى جويۋعا باعىتتالعان قۇقىق قورعاۋ ورگاندارىمەن بىرلەسكەن ءىس-شارالار تۋرالى تولىعىراق ايتىپ بەردى. سىبايلاس جەمقورلىققا قارسى كومپلاەنس ينستيتۋتى جۇرگىزىلگەن ساتتەن باستاپ TDFA-دا پاراساتتى بيزنەس قاعيداتتارىن قۇرۋ بويىنشا كەشەندى جۇمىس جۇرگىزىلۋدە, دەدى سپيكەر.
كەزدەسۋ سوڭىندا قاتىسۋشىلاردى قىزىقتىرعان سۇراقتارعا جاۋاپ بەرىلدى.
«ەگەمەن-اقپارات»