الەمدىك مۋزىكانىڭ كوپتەگەن جۇلدىزدارى مەن باسقا دا اتاقتى ادامدار كليماتتى قورعاۋعا جانە كوروناۆيرۋستىق ۆاكتسينالاردىڭ ءادىل تارالۋىنا باعىتتالعان 24 ساعاتتىق Global Citizen LIVE فەستيۆالىن قولدادى, دەپ حابارلايد Egemen.kz DW سايتىنا سىلتەمە جاساپ.
«ميلليارد اعاش وتىرعىزىپ, الەمنىڭ كەدەي ەلدەرىنە ەكى ميلليارد دوزا كوروناۆيرۋستىق ۆاكتسينانى جەتكىزىپ, 41 ميلليون اشتىقتى تاماقتاندىرىڭىز» اتتى ۇرانمەن ءپاريجدىڭ مارس الاڭىندا وتكىزىلگەن Global Citizen Live حالىقارالىق فەستيۆالىندە ەلتون دجون, ەد شەران, Black Eyed Peas توبى جانە باسقا دا الەمدىك مۋزىكا جۇلدىزدارى ونەر كورسەتتى.
Global Citizen ۇكىمەتتىك ەمەس ۇيىمى ۇيىمداستىرعان بۇل فەستيۆال 24 ساعاتقا سوزىلىپ, بۇكىل الەم بويىنشا, سونىڭ ىشىندە نيۋ-يورك, ريو-دە-جانەيرو, مۋمباي جانە سيدنەيدە وتەدى دەپ كۇتىلۋدە.
وسى ۋاقىت ىشىندە ءىس-شارانىڭ تىكەلەي ەفيرى عالامتوردا جۇرگىزىلەتىن بولادى.
دەنساۋلىق ساقتاۋ ۇيىمىنىڭ (ددسۇ) باسشىسى تەدروس ادحانوم گەبرەيۋس الەمدەگى كوروناۆيرۋستىق ۆاكتسينانى ءادىل ءبولۋ ءۇشىن Global Citizen ناۋقانىن قولدادى.