ونلاين ساناقتان قانشا قازاقستاندىق ءوتتى؟

بۇل تۋرالى ۇلتتىق ستاتيستيكا بيۋروسىنىڭ باسشىسى نۇربولات ايداپكەلوۆ ورتالىق كوممۋنيكاتسيالار قىزمەتىندە وتكەن بيفينگىدە ءمالىم ەتتى.

«حالىق ساناعى باستالعان كۇننەن باستاپ ەكى اپتا ءوتتى. وزدەرىڭىز بىلەتىندەي, قازىرگى ۋاقىتتا ول تەك ونلاين رەجيمدە ءوتىپ جاتىر. ساناق سۇراقتارىنا جاۋاپ بەرۋدى بىرنەشە ءتاسىلى بار. بۇل - ارنايى Sanaq.gov.kz سايتىن, eGov پورتالىندا اۆتورزاتسيالانۋ ارقىلى, Aitu موبيلدىك قوسىمشاسىن پايدالانۋ مۇمكىندىگى بار. بۇگىنگى ساعات 14.00-دەگى جاعداي بويىنشا, ساناقتان 3 ملن 24 مىڭ ازامات ءوتتى», دەدى بيۋرو باسشىسى.

ەسكە سالساق, وتكەن اپتادا قازاقستان بويىنشا 3 مىڭنان استام ساناق بۇرىشى اشىلعان.

«بارلىق حالىققا قىزمەت كورسەتۋ ورتالىعىندا, ءىرى ساۋدا ورىندارىندا, قازپوشتا بولىمشەلەرىندە حالىق ساناعىنان ونلاين وتۋگە ارنالعان بۇرىشتار ۇيىمداستىردىق. ولاردا ارناۋلى كەڭەسشىلەر جۇمىس ىستەپ جاتىر. تۇرعىندار تاراپىنان بەلسەندىلىك بايقالادى. ءبىز ءوز تاراپىمىزدان حالىققا بارلىق جاعداي جاساۋىمىز كەرەك. العاش رەت تسيفرلىق فورماتتا ءوتىپ جاتقاننان كەيىن ارناۋلى سايت جاسادىق. ونىڭ جۇمىسى جاقسى ءجۇرىپ جاتىر. حالىق تاراپىنان ىنتا جوعارى. ال ساناقتان ونلاين وتۋگە مۇمكىندىگى جوق ازاماتتارعا وسىنداي بۇرىش ۇيىمداستىردىق. بۇكىل ەلىمىز بويىنشا وسىنداي 3 مىڭنان استام بۇرىش ۇيىمداستىرىلدى», دەگەن بولاتىن نۇربولات ايداپكەلوۆ.