تۇركيانىڭ وڭتۇستىك-باتىسىندا تۋريستىك اۆتوبۋس اۋدارىلىپ, جول اپاتى سالدارىنان 30 ادام زارداپ شەكتى, دەپ جازادى Egemen.kz.
وقيعا مۋگلا-دەنيزلي تاس جولىندا, جەرگىلىكتى ۋاقىت بويىنشا ساعات 07:30 شاماسىندا بولعان.
Demiroren اگەنتتىگىنىڭ مالىمەتىنشە, مەكتەپ اۆتوبۋسى مەن 41 تۋريست مىنگەن اۆتوبۋس سوعىسىپ قالعان. تۋريستەر رەسەي مەن ۋكراينادان كەلگەندەر.
سوڭعى مالىمەتتەر بويىنشا, اپات سالدارىنان كولىكتەردىڭ ءبىرىنىڭ جۇرگىزۋشىسى قايتىس بولدى. زارداپ شەككەندەردىڭ بارلىعى اۋرۋحاناعا جاتقىزىلدى.