بۇگىن پرەزيدەنت قاسىم-جومارت توقاەۆتىڭ قازاقستان حالقىنا جولداۋىندا بەرىلگەن تاپسىرمالارىن ءتۇسىندىرۋ جانە ورىنداۋ جونىندەگى جۇمىس ساپارى اياسىندا پرەمەر-ءمينيستردىڭ ورىنباسارى ەرالى توعجانوۆ باستاعان ۇكىمەتتىك دەلەگاتسيا شىمكەنت قالاسىنىڭ الەۋمەتتىك نىساندارىن ارالادى, دەپ جازادى Egemen.kz.
ۆەدومستۆوارالىق كوميسسيانىڭ كوشپەلى وتىرىسىندا ۆيتسە-پرەمەر رەسپۋبليكا بويىنشا ۆاكتسيناتسيامەن قامتۋدىڭ جوعارى قارقىنىنىڭ ارقاسىندا شىمكەنت قالاسىنداعى ەپيدەميولوگيالىق احۋالدىڭ تۇراقتانعانى تۋرالى اتاپ ءوتتى. سونىمەن قاتار ەرالى توعجانوۆ اكىمدىكتىڭ الدىنا مەملەكەتتىك دەنساۋلىق ساقتاۋ باعدارلاماسىنىڭ بارلىق ماقساتتى ينديكاتورلارىنا قول جەتكىزۋ قاجەتتىلىگى تۋرالى مىندەت قويدى. سونداي-اق, وقۋ جىلىنىڭ ءداستۇرلى فورماتتا باستالۋىنا بايلانىستى مەكتەپتەردە سانيتاريالىق نورمالاردى ساقتاۋ جۇمىستارىن كۇشەيتۋ تاپسىرىلدى.
قالانىڭ مەديتسينالىق مەكەمەلەرى ۇجىمدارىمەن كەزدەسۋ بارىسىندا ە.توعجانوۆ مەملەكەتتىڭ قارجىلىق قولداۋىنىڭ ارقاسىندا مەديتسينالىق مەكەمەلەر ازاماتتارعا ساپالى مەديتسينالىق كومەك كورسەتۋ ءۇشىن زاماناۋي جابدىقتارمەن قامتاماسىز ەتىلگەنىن اتاپ ءوتتى.
«نيزامحان» جەكە مەكتەبىن ارالاۋ بارىسىندا ەرالى توعجانوۆ شىمكەنت قالاسىنداعى جەكە مەكتەپتەر جەلىسىن دامىتۋ بويىنشا جۇمىسقا وڭ باعا بەرىپ, وسى باعىتتاعى جۇمىستى جالعاستىرۋدى تاپسىردى.
پرەزيدەنت ءوز جولداۋىندا ەلدەگى بيولوگيالىق قاۋىپسىزدىكتى جانە نارىقتى وتاندىق ءدارى-دارمەكتەرمەن قامتاماسىز ەتۋدى تاپسىردى. «حيمفارم» اق, «KazMedPribor» جشس ارالاۋ بارىسىندا مەملەكەتتىك ورگاندارعا وتاندىق وندىرۋشىلەرگە قولداۋ كورسەتۋ بويىنشا ناقتى تاپسىرمالار بەرىلدى.
ساپار سوڭىندا ۆيتسە-پرەمەر ە. توعجانوۆ قالا باسشىلىعىنا بىرقاتار تاپسىرمالار جۇكتەدى.