قازاقستاندىق الان قۇرمانعاليەۆ سلوۆەنيادا وتكەن ۇستەل تەننيسىنەن حالىقارالىق تۋرنيردە قولا مەدال جەڭىپ الدى, دەپ حابارلايدى Egemen.kz Olympic.kz-كە سىلتەمە جاساپ.
تۋرنير وتوچەتستە وتكىزىلدى. وعان ەۋروپا, ازيا, امەريكانىڭ 20 ەلىنەن كەلگەن سپورتشىلار قاتىستى.
15 جاستاعى تەننيسشىلەر اراسىنداعى جارىستا قاراعاندىلىق قازاقستان چەمپيونى الان قۇرمانعاليەۆ ۇزدىك ونەر كورسەتتى. ول التى ماتچ ويناپ, بەس جەڭىسكە قول جەتكىزدى. ناتيجەسىندە, قازاقستاندىق جاس سپورتشى ەلگە قولا مەدال اكەلدى.