جەتى ايداعى جەمقورلىق

تۇركىستان قالالىق پوليتسيا باسقارماسىنىڭ وقشاۋ­لاعى­شىنا قامالعان كۇدىكتىگە قاتىس­تى تۇپكىلىكتى ۇكىمدى ونىڭ كىناسى­نىڭ دارەجەسىن انىقتاي وتىرىپ, سوت شىعارادى.

دەگەنمەن تۇركىستان وبلىسىندا سىبايلاس جەمقورلىق ارەكەتىنە كوبىنەسە تۇرعىن ءۇي قاتىناسى سالاسىنىڭ ماماندارى بارادى ەكەن.

«بيىل 7 ايدىڭ ىشىندە وبلىستا 57 جەمقورلىق قىلمىس تىركەلدى. ولاردىڭ ىشىندە 21 پاراقورلىق, 4 الاياقتىق جانە 18 جىمقىرۋ ارەكەتى بار. وبلىستا سىبايلاس جەمقورلىق ارەكەتى­نەن كوش باستاپ تۇرعان سالا – تۇرعىن ءۇي قاتىناسى. ول بويىنشا 12 قىلمىس, ەكىنشى ورىندا پوليتسيا ورگاندارى – 9, ودان ءارى ءبىلىم سالاسى – 8, الەۋمەت­تىك قىزمەت – 7, جەر قاتىناس­تارى – 6 جانە قۇرىلىس سالاسىندا 5 قىلمىس تىركەلىپ وتىر. ارينە, بارلىق جەمقورلىق ارەكەتتەر بويىنشا سوتالدى تەرگەۋ جۇمىستارى ءجۇرىپ, ءار ءىستىڭ اق-قاراسى قارالدى. سونى­مەن قاتار جەمقورلىق ارەكەت ورىن العان ۇجىممەن ءتۇسىن­دى­رۋ جۇمىسى وتكىزىلەدى. ونداعى ماقسات – سىبايلاس جەمقور­لىق ارەكەتىن ەندىگى ۋاقىتتا بول­دىرماۋ», دەيدى سىبايلاس جەم­قورلىققا قارسى ءىس-قيمىل اگەنتتىگى تۇركىستان وبلىسى بو­يىنشا دەپارتامەنتىنىڭ باس­شىسى حاكىم كوشقاليەۆ.

جەمقورلىقتىڭ الدىن الۋ ماق­ساتىندا حالىق اراسىن­دا ءتۇسىندىرۋ جۇمىستارى ءجيى ۇيىمداستىرىلۋدا. جىل باسىنان بەرى دەپارتامەنت باس­شىسى 43 ازاماتتى ءتۇرلى سۇراق­تار بويىنشا قابىلداعان. «بيىلدىڭ 7 ايىندا مىڭنان اسا ءتۇرلى ارىز-شاعىم كەلىپ ءتۇستى. كۇنىنە ازاماتتاردان 6-7 شاعىم ءتۇسىپ جاتادى. ارينە, ءوز كەزەگىمىزدە «حالىق ۇنىنە قۇلاق اساتىن مەملەكەت» تۇجى­رىم­داماسىنا ساي, ءتيىستى جاۋاپتى شۇعىل تۇردە بەرۋگە تىرىسامىز», دەيدى دەپارتامەنت باسشىسى.

بيىل جىل باسىنان بەرى 870 مىڭنان استام ادامدى قامتىعان 675 سىبايلاس جەمقور­لىقتىڭ الدىن الۋ شاراسى ۇيىمداستىرىلعان. سونىمەن قاتار 264 كەزدەسۋ وتكىزىلىپ, 333 تىكەلەي ەفيردەن جەمقورلىق ماسەلەسى تالقىلانعان. سول سياقتى پاراقورلىقتان اۋلاق بولۋعا شاقىراتىن 9 بەينەروليك ءتۇسىرىلىپ, ناسيحاتتالعان. سىبايلاس جەمقورلىقتىڭ الدىن الۋدا ءوڭىر ازاماتتارى دا بەلسەندى. مىسالى, پاراقورلىق ارەكەت تۋرالى حابارلاعان 8 تۇل­عاعا 1,5 ملن تەڭگەنىڭ سىي­اقى­سى بەرىلگەن. سونىمەن قا­تار Call ورتالىعىنا 71 ادام حابارلاسىپتى. بەلسەندى ازامات­تاردىڭ حابارى مەن دەپارتامەنت قىزمەتكەرلەرىنىڭ جەدەل ارە­كەتىنىڭ ناتيجەسىندە 3 ازا­ماتتىڭ ۇستىنەن زاڭسىز ارەكەتى ءۇشىن قىلمىستىق ءىس قوزعالىپ, 2 لاۋازىمدى تۇلعا جاۋاپقا تارتىلدى.

جىل باسىنان بەرى سىبايلاس جەمقورلىق ارەكەتىنە جول بەرگەن تۇركىستاندىق 17 مەملەكەتتىك قىزمەتشى سوتتالعان. «بيىل وبلىستا سىبايلاس جەمقورلىق ارەكەتىنە بارعان 19 ازاماتقا قاتىستى 16 قىلمىستىق ءىس سوتقا جىبەرىلدى. ودان بولەك ءبىز 70 قىلمىستىق ءىستى توقتاتۋ تۋرالى شەشىم قابىلدادىق. سونىمەن قاتار جىل باسىنان بەرى وبلىستا سىبايلاس جەمقورلىق ارەكەتىن جاساعان 22 ادام سوتتالدى. ونىڭ 17-ءى مەملەكەتتىك قىزمەتشى, قالعان 5-ءۋى قۇقىق قورعاۋ ورگانى قىزمەتكەرلەرى. بيىل وبلىس بويىنشا 6 تۇلعا قاراماعىنداعى قىزمەتكەرى سىبايلاس جەمقورلىق ارەكەتىنە بارعانى ءۇشىن جاۋاپقا تارتىلدى», دەيدى ح.كوشقاليەۆ. بۇگىندە وڭىردە كاسىپكەرلەر مەن ينۆەستورلاردى سىبايلاس جەمقورلىقتان 100% قور­عاۋدى قامتاماسىز ەتۋ ماق­ساتىندا Protecting Business and Invesments جوباسى ءساتتى جۇزەگە اسىرىلۋدا. جوبا اياسىندا جالپى سوماسى 665 ملرد 565 ملن تەڭگە بولاتىن 70 ءىرى ينۆەستور مەن كاسىپكەرلەر دەپارتامەنت تاراپىنان سىبايلاس جەمقور­لىق­قا قارسى سۇيەمەلدەۋگە الىن­­عان. بيزنەستى قورعاۋ شەڭبەرىن­­دە كاسىپتىك سۋبەكت وكىلدەرى­نەن كۇنى بۇگىنگە دەيىن 70 شاعىم مەن ءوتىنىش كەلىپ تۇسكەن. ولار تولىق قاناعاتتاندىرىلىپ, زاڭدى قۇقىقتارى قالپىنا كەلتىرىلىپتى.

سونداي-اق دەپارتامەنت باسشىسى مەملەكەتتىك ورگان­دار لاۋازىمدى تۇلعا­لارى­نىڭ شاعىن جانە ورتا كاسىپ­كەرلىك بيزنەسىنە زاڭسىز ارالاسۋ ارەكەتتەرىنىڭ 11 دەرەگى انىق­تالعانىن ءمالىم ەتتى. لاۋا­زىمدى ادامداردىڭ كاسiپ­كەر­لiك قىزمەتكە زاڭسىز ارالاسۋى بويىنشا 2 اكىمشىلىك قۇ­قىق بۇزۋشىلىق ءىسى تىركەلىپ, ءبولىم باسشىلارىنا 100 اەك كولە­مىندە ايىپپۇل سالىن­عان. ال «مەملەكەتتىك سا­تىپ الۋدىڭ بىرىڭعاي تەرەزەسى» اقپاراتتىق-تالداۋ جۇيەسى ارقىلى ساتىپ الۋ سالاسىنا جۇرگىزىلگەن موني­تورينگتىك جۇمىستاردىڭ ناتيجەسىندە, بيىلدىڭ 7 ايىندا 506 679 999 تەڭگە ۇنەمدەلگەن.

تۇركىستان وبلىسى