كونستيتۋتسيا كۇنى قارساڭىندا ەل تاۋەلسىزدىگىنىڭ 30 جىلدىعىنا وراي «ەگەمەن قازاقستان» گازەتىنىڭ قىزمەتكەرلەرىنەن جاساقتالعان «اتامەكەن» ەكسپەديتسياسىنىڭ مۇشەلەرى قاراعاندى وبلىسىنا كەلدى, دەپ حابارلايدى Egemen.kz.
قازاق حالقىنىڭ مادەنيەتى مەن تاريحىن, ايماقتاردىڭ تۋريستىك الەۋەتىن ناسيحاتتاۋ - ەكسپەديتسيا بارىسىنداعى باستى ماقسات.
بابالار ىزىمەن كەلە جاتقان كەرۋەندى قاراعاندى قالاسىنىڭ كىرە بەرىسىنەن وبلىس اكىمدىگىنىڭ وكىلدەرى قارسى الدى.
«قاراعاندى وبلىسى تاريحي-مادەني مۇراعا باي. ءبىز ەلىمىزدىڭ باس باسىلىمدارىنىڭ وكىلدەرىن, وتاندىق باق كوشباسشىلارىن قاسيەتتى جەردە قارسى العانىمىزعا قۋانىشتىمىز», دەدى ەكسپەديتسيا قاتىسۋشىلارىن كۇتىپ العان وبلىستىق ىشكى ساياسات باسقارماسىنىڭ باسشىسى ەرلان قۇسايىن.
ەكى كۇندىك ەكسپەديتسيادا جۋرناليستەر جاڭاارقا اۋدانى, جەزقازعان جانە ۇلىتاۋ اۋدانىندا ورنالاسقان تاريحي كيەلى نىسانداردى ارالايدى.