عالىمجان ءپىرماتوۆ «قازاتومونەركاسىپ»ۇاك» اق باسقارما توراعاسى قىزمەتىنەن ءوز ەركىمەن كەتتى, دەپ حابارلايدى Egemen.kz.
كومپانيا مالىمەتىنشە, عالىمجان ءپىرماتوۆ 2 قىركۇيەكتە قىزمەتىنەن كەتەدى. باسقارما توراعاسى مىندەتىن ءماجيت ءشارىپوۆ اتقارادى.
«مەن ەل باسشىلىعىنا سەنىم بىلدىرگەنى جانە كومپانيانى ءتيىمدى باسقارۋعا مۇمكىندىك بەرگەنى ءۇشىن زور العىسىمدى بىلدىرەمىن. «قازاتومونەركاسىپتى» كومپانيا ءۇشىن عانا ەمەس, بۇكىل الەمدىك ۋران سالاسى ءۇشىن دە وسىنداي كۇردەلى ۋاقىتتا باسقارۋ - مەن ءۇشىن ۇلكەن مارتەبە ءارى ارتىقشىلىق بولدى. مەن جۇمىس ىستەۋ مارتەبەسىنە يە بولعان «قازاتومونەركاسىپتىڭ» بۇكىل ۇجىمىنا العىس ايتامىن. وسى ءتورت جىل ىشىندە قول جەتكىزگەن جەتىستىكتەرىمىزدى ماقتان تۇتامىن...», دەدى ءپىرماتوۆ.
2015 جىلدان باستاپ «قازاتومونەركاسىپتە»تۇرلى لاۋازىمداردى اتقارعان جانە قازىرگى ۋاقىتتا ياوتس بويىنشا باس ديرەكتور ءماجيت ءشارىپوۆ مەملەكەتتىك قىزمەتتە جانە جەكە سەكتوردا ءتۇرلى لاۋازىمداردا, ونىڭ ىشىندە ەنەرگەتيكا جانە مينەرالدىق رەسۋرستار مينيسترلىگىنىڭ يادرولىق ەنەرگەتيكا جانە اتوم ونەركاسىبى دەپارتامەنتىنىڭ ديرەكتورى, قر اتوم ەنەرگياسى اگەنتتىگىنىڭ اتوم ەنەرگەتيكاسى جانە ونەركاسىبى دەپارتامەنتىنىڭ ديرەكتورى جانە اتوم ەنەرگياسى كوميتەتىنىڭ توراعاسى لاۋازىمدارىندا 31 جىلدان اسا جۇمىس ىستەگەن.عالىمجان ءپىرماتوۆ 2017 جىلدىڭ تامىزىنان بەرى «قازاتومونەركاسىپ» ۇاك» اق باسشىسى بولدى.