قورعانىس مينيسترلىگى وڭىردەگى ينجەنەرلىك وق-ءدارى قويماسىنداعى احۋالعا قاتىستى تۇسىنىكتەمە بەردى. 2021 جىلدىڭ 26 تامىزى كۇنى ساعات 19:00-دە جامبىل وبلىسى, بايزاق اۋدانىندا ورنالاسقان اسكەري بولىمشەدە ءورت شىققان, دەپ حابارلايدى Egemen.kz.
ءورتتىڭ العاشقى مينۋتىنان باستاپ دابىل بويىنشا اسكەري بولىمشەنىڭ ءورت ءسوندىرۋ كوماندالارى كوتەرىلدى, ولار شىنجىر تاباندى جانە دوڭگەلەكتى تەحنيكامەن ءورتتى سوندىرۋگە كىرىستى.
جامبىل وبلىسى تجد ءورت ءسوندىرۋ توپتارى شاقىرىلدى. ءورتتىڭ شىعۋ سەبەپتەرى ءالى انىقتالمادى. جالىن تەز ارادا وق-ءدارى ساقتالعان قويمالارعا ءوتتى. ينجەنەرلىك وق-دارىلەر – بۇل تابيعي (جارتاستار, تاۋلار) جانە قولدان جاسالعان (عيماراتتار, قۇرىلىستار) ءارتۇرلى نىسانداردى جارۋعا ارنالعان. ولاردى جاۋدىڭ تەحنيكاسى مەن جۇمىس كۇشىن جارۋ ءۇشىن دە قولدانۋعا بولادى. ولار: قوپارعىش, فۋگاس, جاياۋ اسكەرگە قارسى جانە تانكىگە قارسى مينالار, تروتيل جانە باسقا دا جارىلعىش زاتتار.