ۇكىمەت وتىرىسىندا ۇلتتىق ساناققا دايىندىق بارىسىن بايانداعان ۇلتتىق ستاتيستيكا بيۋروسىنىڭ باسشىسى نۇربولات ايداپكەلوۆ شەتەلدەگى وتانداستارىمىز دا ساناقتان تىس قالمايتىنىن ايتتى, دەپ حابارلايدى Egemen.kz.
«تۇراقتى تۇرعىندار, ەلىمىزدىڭ ازاماتتارى, شەتەلدىكتەر جانە ازاماتتىعى جوق ادامدار ساناقتان وتەدى. سونداي-اق قىزمەتتىك مىندەتتەرىن ورىنداۋمەن بايلانىستى شەتەلگە جۇرگەن ءبىزدىڭ ازاماتتار, «بولاشاق» باعدارلاماسى جانە ستۋدەنت الماسۋ باعدارلامالارى بويىنشا وقيتىن ستۋدەنتتەر, شەتەلگە دەمالىسقا, ەمدەلۋگە نەمەسە قوناققا كەتكەن تۋريستەر دە ساناقتان وتەدى. قازاقستان رەسپۋبليكاسىنا تۇراقتى تۇرۋعا كەلگەن نەمەسە پانا ىزدەگەن قونىس اۋدارۋشىلار, سونداي-اق 12 ايدان از, ۋاقىتشا ەلدە جۇرگەن شەتەلدىكتەر دە ساناققا الىنادى», دەدى ول.
ونىڭ ايتۋىنا قاراعاندا, ۇلتتىق ستاتيستيكا بيۋروسى بارلىق مۇددەلى مەملەكەتتىك ورگاندارمەن, جەرگىلىكتى اكىمدىكتەرمەن حالىق ساناعىن وتكىزۋ كەزىندە بىرلەسىپ ارەكەت ەتۋ بويىنشا بىرلەسكەن بۇيرىقتار قابىلداعان. ءدال وسىنداي بىرلەسكەن بۇيرىق سىرتقى ىستەر مينيسترلىگىن دە بەكىتىلىپتى.
«بيۋرو شەتەلدەگى ازاماتتارىمىزدىڭ ساناعىن وتكىزۋدى ۇيىمداستىرۋ ماقساتىندا قر ءسىم-مەن ءوزارا ءىس-قيمىل ءتارتىبى تۋرالى بىرلەسكەن بۇيرىقتاردى بەكىتتى», دەدى ۇلتتىق ستاتيستيكا بيۋروسىنىڭ باسشىسى.