قر پرەمەر-ءمينيسترى اسقار مامين ۇكىمەت وتىرىسىندا ۇلتتىق ساناققا سىلبىر دايىندالىپ جاتقان وڭىرلەردى اتادى, دەپ حابارلايدى Egemen.kz.
«جالپى ساناق وتكىزىلەتىن ۋاقىتتا 32 مىڭ ادام جۇمىسقا الىنادى. الماتى جانە نۇر-سۇلتان قالالارىنىڭ, قوستاناي جانە شىعىس قازاقستان وبلىستارىنىڭ اكىمدىكتەرى جۇمىستى دۇرىس جولعا قويعان. ال ماڭعىستاۋ, اقتوبە وبلىستارى مەن شىمكەنت قالاسى اكىمدىكتەرىنىڭ جۇمىس قارقىنى جەتكىلىكسىز. وڭىرلەردىڭ اكىمدەرى حالىق ساناعىنا دايىندىق بارىسىن جەكە باقىلاۋعا السىن», دەگەن ۇكىمەت باسشىسى ساناقتى وتكىزۋ بويىنشا بىرقاتار ماسەلەگە توقتالدى.
ء«بىرىنشى. وڭىرلەردىڭ اكىمدەرى مەن ۇلتتىق ستاتيستيكا بيۋروسى ەڭبەك جانە حالىقتى الەۋمەتتىك قورعاۋ, ءبىلىم جانە عىلىم, دەنساۋلىق ساقتاۋ مينيسترلىكتەرىمەن بىرگە قىسقا مەرزىمدە مىندەتتى ۆاكتسيناتسيالاۋدان وتكەن جۇمىسكەرلەردىڭ قاجەتتى سانىن جۇمىسقا ورنالاستىرۋدى قامتاماسىز ەتسىن. ەكىنشى. وڭىرلەردىڭ اكىمدەرى, ۇلتتىق ستاتيستيكا بيۋروسى جانە ىشكى ىستەر, دەنساۋلىق ساقتاۋ مينيسترلىكتەرى حالىق ساناعىن وتكىزۋ بويىنشا بارلىق ۇيىمداستىرۋشىلىق ماسەلەلەردى پىسىقتاسىن. ءۇشىنشى. اقپارات جانە قوعامدىق دامۋ مينيسترلىگى ۇلتتىق ستاتيستيكا بيۋروسى جانە اكىمدىكتەرمەن بىرگە حالىق اراسىندا ۇلتتىق ساناقتىڭ جۇرگىزىلۋ ماقساتى مەن ءتارتىبى تۋرالى ءتۇسىندىرۋ جۇمىستارىن كۇشەيتسىن», دەدى اسقار مامين.
بۇل جۇمىستى باقىلاۋ مەن ۇيلەستىرۋدى ول ورىنباسارى ءاليحان سمايىلوۆقا تاپسىردى.