سپونديلودەز – قىمبات تا قولجەتىمدى وپەراتسيا

وڭتۇستىك شاھارداعى ونكولوگيا ينستيتۋتىنا 41 جاستاعى ناۋقاس ارقاسى قاتتى اۋىرىپ جۇرگەنىن ايتىپ, قارالۋعا كەلگەن. جون ارقاسىنداعى ىسىكتىڭ كەسىرىنەن ناۋ­قاس­ت­ىڭ ءجۇرىپ-تۇرۋى, جاتۋى قيىنداي تۇسكەن.

بۇعان دەيىن دە ول الماتىداعى ءتۇرلى اۋرۋحانالارعا جۇگىنگەن, بىراق وعان وپەراتسيانى تەك قازوجرعزي-دا عانا جاساتۋعا بولاتىن ەدى. ويتكەنى مۇنداعى مەديتسينالىق تەحنولوگيالار ارقىلى وسىناۋ كۇردەلى وپەراتسيانى جاساۋعا مۇمكىندىك بار.

ء«بىزدىڭ كومەگىمىزگە جۇگىنگەن 1980 جىلعى ناۋقاستىڭ ءۇشىنشى بەل ومىرتقاسى ىسىكپەن زاقىمدانىپ, ول كومپرەسسيالىق سىنۋعا ۇلاسىپ, دەرتى اسقىنعان. ىسىك پروتسەسى ج ۇلىننىڭ تامىرلارىن قىسىپ تاستاعان, بۇل پاتسيەنتتىڭ جۇرگەن كەزىندە قاتتى اۋىرتقان. سول سەبەپتى ناۋقاس اقساپ جۇرگەن, كەسەل جانىنا باتىپ, ۇيىق­تاي الماعاندىقتان ۇنەمى اۋىرسىنۋدى باساتىن ءدارى ىشۋگە ءماجبۇر بولعان. كومپيۋتەرلىك توموگرافيادا ءبىز ومىرتقانىڭ تولىق زارداپ شەككەنىن كوردىك. ىسىكتى الىپ تاستاۋ جانە زاقىمدالعان ومىرتقانى ارنايى مەتالل كونسترۋكتسيالارىنىڭ كومەگىمەن قالپىنا كەلتىرۋ ءۇشىن حيرۋرگيالىق ارالاسۋ – سپونديلودەز جاساۋ تۋرالى شەشىم قابىلداندى. ىسىكتىڭ ءوزى قاتەر­لى نەمەسە قاتەرسىز ەكەنىن انىقتاۋ ءۇشىن گيس­تولوگياعا جىبەرىلدى», دەدى قازوجرعزي نەيروونكولوگيا ورتالىعىنىڭ نەيرو­ونكولوگ-حيرۋرگى ايدار ىسقاقوۆ.

سپونديلودەز – وتە جوعارى دارە­جەلى ار­نايى قۇرالداردى قولداناتىن جوعارى تەح­نولوگيالىق وپەراتسيا. حي­رۋرگيالىق ارا­لاسۋ رەنتگەن ساۋلەسىنىڭ ەداۋىر دوزاسىن قولدانۋ ارقىلى جۇزەگە اسىرىلادى. سون­دىق­تان حيرۋرگتەر ارنايى قورعانىس قورعا­سىن جابدىقتارىن كيىپ, جۇمىس ىستەيدى.

ء«بىرىنشى كەزەڭدە پاتسيەنتتىڭ ءوسىن قالپىنا كەلتىرۋ جانە ومىرتقانىڭ قىسى­لۋىن جويۋ ءۇشىن ترانسپەديكۋليارلىق بەكىتۋ جاسالادى. سودان كەيىن ومىرت­قا­لار­عا ارنايى بۇراندالار ورناتى­لادى, ولاردىڭ اراسىنا تيتان قۇرىلى­مى بەكىتىلەدى. مۇنىڭ ءبارى رەنتگەن باقى­لاۋى­مەن, ءپورتاتيۆتى رەنتگەن قوندىرعى­سىنىڭ كومەگىمەن جۇزەگە اسىرىلادى. وپە­را­تسيانىڭ ۇزاقتىعى ءۇش ساعاتقا جۋىق», دەيدى قازوجرعزي نەيروونكولوگيا ور­تالىعىنىڭ مەڭگەرۋشىسى بەرىك يساتاەۆ.

قازىرگى ۋاقىتتا دارىگەرلەر ناۋقاستىڭ جاعدايى جاقسى بولعاندىقتان ۇيىنە شىعارۋعا دايىنداپ جاتىر ەكەن.

جاڭالىقتىڭ جاقسىسى – جوعارى تەحنولوگيالىق جانە قىمبات تۇراتىن سپونديلودەز وتاسى قازاق ونكولوگيا جانە راديولوگيا عىلىمي-زەرتتەۋ ينستيتۋتىندا وسىعان مۇقتاج بارلىق پاتسيەنتتەر ءۇشىن قولجەتىمدى ەكەنىن اتاپ وتكەن ءجون. ول ءۇشىن ەمدەۋگە جاتقىزۋ پورتالى ارقىلى جولداما الۋ قاجەت.

الماتى