الدىمەن ەلىمىزدە الماتىداعى كارديولوگيا جانە ىشكى اۋرۋلار عىلىمي-زەرتتەۋ ينستيتۋتىندا عانا جۇرەك ىرعاعىنىڭ بۇزىلىسىن كورونارلىق شۋنتتاۋ نەمەسە جۇرەك اقاۋلارىن تۇزەتە وتىرىپ ءبىر ۋاقىتتا ەمدەۋ ءۇشىن اشىق جۇرەككە كريوابلاتسيا وپەراتسياسى جاسالاتىنىن ايتا كەتكەن ءجون. جاقىندا بۇل مەكەمەنىڭ كارديوحيرۋرگيالىق وپەراتسيا ءبولىمى حالىقارالىق ساپا ستاندارتتارىنا سايكەس جاڭارتىلدى.
«وپەراتسيا جاساۋ ءبولىمى جۇرەككە كۇردەلى وپەراتسيالىق ارالاسۋلار جاساۋعا ارنالعان جوعارى تەحنولوگيالىق جابدىقتارمەن جاراقتالدى. 3D ۆيزۋالداۋدىڭ مۇمكىندىكتەرى بار زاماناۋي توراكوسكوپيالىق تىرەۋ قوندىرعىسى ورناتىلدى. 3D ۆيزۋالداۋى بار جاڭا اپپاراتۋرانى پايدالانۋ كەۋدەنى كەسپەي-اق جۇرەك قاقپاقشالارىنا زاقىمى از وپەراتسيا جاساۋعا جانە كورونارلىق شۋنتتاۋدى ورىنداۋعا مۇمكىندىك بەرەدى», دەيدى ينستيتۋتتىڭ باسقارما توراعاسى, قازاق ءبىلىم اكادەمياسىنىڭ اكادەميگى, مەديتسينا عىلىمدارىنىڭ دوكتورى, پروفەسسور روزا قۋانىشبەكوۆا.
كلينيكانىڭ ءبىرىنشى باسشىسىنىڭ ءسوزىن جاساندى قاناينالىم زەرتحاناسى بار كارديوحيرۋرگيا بولىمشەسىنىڭ مەڭگەرۋشىسى, مەديتسينا عىلىمدارىنىڭ كانديداتى رۇستەم تولەۋتاەۆ قولدادى. رۇستەم مۇحتار ۇلىنىڭ ايتۋىنشا, وسىنداي وپەراتسيادان كەيىن پاتسيەنتتەر كەۋدەنى ستاندارتتى كەسەتىن كەزدە بولاتىن اۋىرسىنۋدى سەزبەيدى, وڭالۋ كەزەڭى جىلدام وتەدى, پاتسيەنتتىڭ بولىمشەدە ەمدەلۋى جانە جان ساقتاۋ مەن قارقىندى تەراپيا بولىمشەسىندە ەمدەلۋ ۋاقىتى ازايادى, قان كەتۋ كولەمى تومەندەيدى. سونىمەن قاتار پاتسيەنتتەر كوسمەتيكالىق اسەر دە الادى.
جاڭا وپەراتسيالىق بولمەدە جاراقاتتانۋشىلىقتى ازايتۋ ماقساتىندا ءبىر پاتسيەنتتى ەمدەۋ كەزىندە ءبىر مەزگىلدە ەكى ءتۇرلى ءتاسىل قولدانۋ ارقىلى (ەندوۆاسكۋليارلىق ارالاسۋلارمەن بىرگە اشىق وپەراتسيا) گيبريدتى وپەراتسيالاردى جاساۋ مۇمكىندىگى بار.
«بولىمشەنىڭ دارىگەرلەرى مەن مەيىرگەرلەرى وزدەرىنىڭ بىلىكتىلىگىن ارتتىرۋ ماقساتىندا ۇنەمى بىلىمدەرىن جەتىلدىرىپ, تەوريالىق جانە پراكتيكالىق داعدىلارىن ارتتىرىپ وتىرادى. بارلىق قابىلدانىپ وتىرعان كەشەندى شارا جىل سايىن دياگنوستيكالاۋ مەن ەمدەۋدىڭ ساپاسىن جاقسارتۋعا جانە پاتسيەنتتەردىڭ دەنساۋلىعىن ساقتاۋعا مۇمكىندىك بەرەدى», دەيدى روزا توحتانالىقىزى.