بۇل تۋرالى قر پرەزيدەنتى جانىنداعى ورتالىق كوممۋنيكاتسيالار قىزمەتى الاڭىندا وتكەن ءباسپاسوز كونفەرەنتسياسى بارىسىندا ستراتەگيالىق جوسپارلاۋ جانە رەفورمالار اگەنتتىگى ۇلتتىق ستاتيستيكا بيۋروسىنىڭ باسشىسى نۇربولات ايداپكەلوۆ ايتتى, دەپ جازادى Egemen.kz BAQ.KZ-كە سىلتەمە جاساپ.
بيىل ۇلتتىق حالىق ساناعىنىڭ جاڭاشىلدىعى زاماناۋي تسيفرلىق تەحنولوگيالاردى ەنگىزۋدە بولىپ وتىر. وسىلايشا, ساناق پروتسەسى اۆتوماتتاندىرىلماق.
ء«بىرىنشى ءادىس – sanaq.gov.kz مامانداندىرىلعان سايتىندا ينتەرنەت-ساۋال سالۋ جۇرگىزۋ. ول ۆيرتۋالدى كومەكشى ارقىلى رەسپوندەنتتەرگە ورنالاسقان جەرىنە قاراماستان وزدىگىنەن ساناقتان وتۋگە, وزىنە جانە وتباسى مۇشەلەرىنە ساناق پاراقتارىن تولتىرۋعا مۇمكىندىك بەرەدى. سايت 2021 جىلعى 1-15 قازان ارالىعىندا تاۋلىگىنە 24 ساعات بويى قولجەتىمدى بولادى», دەپ اتاپ ءوتتى ۇلتتىق ستاتيستيكا بيۋروسىنىڭ باسشىسى نۇربولات ايداپكەلوۆ.
سونىمەن قاتار, egov.kz ەلەكتروندىق ۇكىمەت سايتىنىڭ باستى بەتىندە sanaq.gov.kz مامانداندىرىلعان سايتىنا سىلتەمە بار. سول سىلتەمە بويىنشا ءوتۋ ارقىلى ونلاين رەجيمدە ساناق پاراقتارىن تولتىرۋعا بولادى.
سونداي-اق رەسپوندەنتتەر حالىققا قىزمەت كورسەتۋ ورتالىقتارىندا, اكىمدىكتەردە, پوشتا بولىمشەلەرىندە, مەكتەپتەردە جانە ت.ب. ورنالاساتىن, ارنايى ۇيىمداستىرىلعان نۇسقاۋشىلىق ۋچاسكەلەردە دە ساناقتان وتە الادى.
ەلىمىزدە ۇلتتىق حالىق ساناعىن وتكىزۋ 2020 جىلعى 1–30 قازان ارالىعىنا جوسپارلانعان ەدى. الايدا ەلدەگى سOVID-19 پاندەمياسىنا بايلانىستى ساناق بيىلعى جىلدىڭ كۇزىنە اۋىستىرىلدى.