اتىراۋ وبلىسىنان تاعى ءبىر پارادزيۋدوشى پاراليمپيادانىڭ جولداماسىنا يە بولدى, دەپ جازادى Egemen.kz.
وبلىستىق سپورت جانە دەنە شىنىقتىرۋ باسقارماسى ءباسپاسوز قىزمەتىنىڭ اقپاراتىنا سۇيەنسەك, 16 تامىزدا اتىراۋلىق پارادزيۋدوشىعا پاراليمپيادا جولداماسى بەرىلگەن.
«توكيودا وتەتىن پاراليمپيادا ليتسەنزياسىن تاعى ءبىر اتىراۋلىق پارادزيۋدوشى ەرلان وتەپوۆ ەنشىلەدى. 100 كەلى سالماقتا بەلدەسەتىن پارادزيۋدوشى – حالىقارالىق سايىستاردىڭ جۇلدەگەرى. وسىلايشا, اتىراۋدان پاراليمپيادا ويىندارىنا التى دزيۋدوشى جولداما الىپ وتىر», دەپ حابارلادى باسقارمانىڭ ءباسپاسوز قىزمەتى.