قاراعاندى وبلىسى مامانداندىرىلعان اۋدانارالىق ەكونوميكالىق سوتىنىڭ سۋدياسى ە.عابدۋللين الاياقتىق جانە ارانداتۋشىلىق جاساعانى ءۇشىن 9 جىلعا باس بوستاندىعىنان ايىرىلدى, دەپ حابارلايدى Egemen.kz.
بۇل تۋرالى Sputnik قازاقستان اقپاراتتىق پورتالى مالىمدەدى.
سىبايلاس جەمقورلىققا قارسى ءىس-قيمىل قىزمەتىنىڭ مالىمدەۋىنشە, ۇكىمدى 10 تامىزدا قاراعاندى قالاسى قازىبەك بي اۋداندىق سوتى شىعاردى.
كۇدىكتى «وليۆيا» ۇيىمىنىڭ زاڭگەرى كانتەر-سكريپكينانى سۋديالارعا 8 ميلليون تەڭگە پارا بەرۋگە ارانداتتى دەپ ايىپتالدى.
ءىس ماتەريالدارىنا سايكەس, بۇل ءۇشىن ءبىرىنشى جانە اپەللياتسيالىق سوت ينستانتسيالارىنىڭ سۋديالارى كاسىپورىننىڭ تالاپ-ارىزىن قاناعاتتاندىرۋعا ءتيىس بولعان.
«وليۆيا» جشس زاڭگەرى كانتەر-سكريپكينا پارا بەرمەك بولعانى ءۇشىن ءۇش جىلعا سوتتالدى.
سوت ۇكىمى زاڭدى كۇشىنە ەنگەن جوق.