كحدر باسشىسى كيم چەن ىن ءوزىنىڭ قارىنداسى كيم ە چجوندى كورەيا ەڭبەك پارتياسىنىڭ (كەپ) باس قارجى ۇلەستىرۋشىسى لاۋازىمىنا تاعايىندادى. بۇل قىزمەتتى بۇعان دەيىن وتكەن جىلدىڭ جەلتوقسانىندا جازالانعان كيم چەن ىننىڭ جەزدەسى چان سون تحەك اتقارعان ەدى. بۇل تۋرالى Ras.kz حابارلادى.
وڭتۇستىك كورەيانىڭ «چوسون يلبو» گازەتىنىڭ اقپارى بويىنشا, وعان كەپ-ءتىڭ 54-ءشى ءبولىمى دەپ اتالىپ جۇرگەن ورگاندى قايتا قۇرۋ تاپسىرىلىپتى. اۋەلدە بۇل ءبولىم كورەي حالىق ارمياسى قاراماعىندا بولعان ەكەن. ال 2012 جىلى چان سون تحەك ونى ءوزىنىڭ ەگەلىگىنە العان.
كحدر ليدەرىنىڭ قارىنداسى سونىمەن قاتار تەسون, وداقتاسۋ جانە دامۋ بانكتەرىندە باسشىلىق ەتەتىن بولادى. سونداي-اق ول بىرنەشە تۋريستىك جانە تەمىر جول جوبالارىن باسقارۋدى ءوز قولىنا الىپ وتىر.
ايدار ورىسباەۆ.
دەرەككوز: Ras.kz
فوتو: Korrespondent.net