بىرىككەن اراب امىرلىكتەرى 3 جاستان اسقان بالالارعا قىتايلىق Sinopharm ۆاكتسيناسىن قولدانۋعا رۇقسات بەردى, دەپ حابارلايدى Egemen.kz Reuters-كە سىلتەمە جاساپ.
ءتيىستى شەشىمدى دەنساۋلىق ساقتاۋ مينيسترلىگى ابۋ-دابيدەگى 900 ەرىكتىنى سىناقتان وتكىزگەننەن كەيىن قابىلدادى. بىراق, بۇعان قاراماستان, زەرتتەۋ ناتيجەلەرى ءالى جاريالانعان جوق.
ءباا دەنساۋلىق ساقتاۋ مينيسترلىگىنىڭ مالىمەتىنشە, تامىزدىڭ باسىندا حالىقتىڭ 78 پايىزدان استامى - شامامەن 9 ميلليون ادام ۆاكتسينانىڭ العاشقى دوزاسىن الدى. ۆاكتسيناتسيانى اياقتاعاندار - 70 پايىز.
قازاقستاندا 12 جاستان 18 جاسقا دەيىنگى بالالاردى Pfizer پرەپاراتىمەن ۆاكتسيناتسيالاۋ ماسەلەسى قاراستىرىلۋدا. دەنساۋلىق ساقتاۋ ءمينيسترى الەكسەي تسوي بالالاردى ۆاكتسيناتسيالاۋ تەك اتا-انالاردىڭ تاڭداۋ قۇقىعىمەن ەرىكتى تۇردە وتكىزىلەتىنىن اتاپ ءوتتى.