29 ماۋسىمدا سەۋلدەگى قر ەلشىلىگىندە قۇرمەتتى كونسۋلدىڭ پاتەنتىن جانە «Dongil Highvill» وڭتۇستىك كورەيالىق كومپانياسىنىڭ پرەزيدەنتىنە ەكزەكۆاتۋرا تاپسىرۋ ءراسىمى ءوتتى, دەپ حابارلايدى Egemen.kz قر كورەياداعى ەلشىلىگىنە سىلتەمە جاساپ.
قازاقستان رەسپۋبليكاسىنىڭ كورەيا رەسپۋبليكاسىنداعى جاڭادان تاعايىندالعان قۇرمەتتى كونسۋلى كو دونگ حيون قازاقستان مەن كورەيانىڭ ديپلوماتيالىق قارىم-قاتىناسى تاريحىنداعى وسىنداي ماڭىزدى لاۋازىمعا العاشقى بولىپ تاعايىندالدى..
قازاقستاننىڭ وڭتۇستىك كورەياداعى قۇرمەتتى كونسۋلىنىڭ نەگىزگى قىزمەتى ازاماتتارىمىزدىڭ قۇقىقتارىن قورعاۋ جونىندەگى جۇمىستى كۇشەيتۋگە, سونداي-اق ەكونوميكا, مادەنيەت, ءبىلىم جانە عىلىم سالاسىنداعى ىنتىماقتاستىقتى دامىتۋعا جاردەمدەسۋگە باعىتتالاتىن بولادى.
قۇرمەتتى كونسۋل جۇمىسىنىڭ يۋريسديكتسياسىنا چحۋنچحوننام-دو, چحۋنچحونبۋك-دو, چحوللانام-دو, چحوللابۋك-دو, كيونگساننام-دو, كيونگسانبۋك-دو جانە كانۆون-دو پروۆينتسيالارى كىرەدى.