الماتىدا كوروناۆيرۋستىق ينفەكتسيانىڭ تارالۋىنا جول بەرمەۋ ماقساتىندا ۇجىمدىق يممۋنيتەتتى قالىپتاستىرۋ اياقتالعانعا دەيىن تەگىن ۆاكتسينا ارقىلى كارانتيندىك شەكتەۋلەردىڭ ساقتالۋىن قامتاماسىز ەتۋ بويىنشا شارالار قابىلدانىپ جاتىر, دەپ حابارلايدى Egemen.kz.
جۇقتىرۋدىڭ ىقتيمال ورىندارىنىڭ اراسىندا (ساۋدا نىساندارى, نارىقتارمەن قاتار) قوعامدىق كولىكتە قاتىناۋ 16%-دى كورسەتتى. وسى سەگمەنتتە ارنايى مونيتورينگتىك توپتاردىڭ جۇمىسى كۇشەيتىلدى.
بۇگىن قالانىڭ بارلىق اۋداندارىندا ساعات 07.00-دەن باستاپ الماتى قالاسىنىڭ مونيتورينگتىك توپتارىنىڭ وكىلدەرى قوعامدىق كولىك پەن اۆتوبۋس ايالدامالارىن تەكسەرۋدە. تەكسەرۋشىلەر جولاۋشىلاردى جانە اۆتوبۋس پەن تروللەيبۋس جۇرگىزۋشىلەرى بەتپەردە تاعىپ جۇرگەندەرىن قاداعالايدى, قالا تۇرعىندارىمەن تۇسىندىرمە جۇمىستارىن جۇرگىزەدى.
تەكسەرۋشىلەردىڭ ايتۋىنشا, الماتى اۋماعى ارقىلى جۇرەتىن 100-دەن استام اۆتوبۋسقا مونيتورينگ جۇرگىزىلدى. مونيتورينگ توپتارى اۆتوبۋس مارشرۋتتارىن اتادى, وندا بىرنەشە بۇزۋشىلىقتار انىقتالدى. ولاردىڭ ىشىندە: 1, 98, 32, 123, 79 11, 9, 45, 22, 135, 105, 201, 7, 126, 60, 114, 25, 5, 5ب, 29, 65, 37, 205, 224, 20, 148, 38, 62, 210 بار.
"قالادا كوروناۆيرۋس جۇقتىرعاندار سانى ءوستى. ۇيدە جانە قوعامدىق كولىكتە جۇقتىرۋ قاۋپى جوعارى. سوندىقتان كارانتين كەزىندە جولاۋشىلار بەتپەردا رەجيمىن ساقتاۋى كەرەك", دەپ ءتۇسىندىردى تەكسەرۋشىلەر.
كۇننىڭ ءبىرىنشى جارتىسىندا 14 جەكە تۇلعاعا قاتىستى قر اكىمشىلىك كودەكسىنىڭ 425-بابى 1-بولىگى بويىنشا اكىمشىلىك حاتتامالار جاسالدى. بەتپەردە رەجيمىن بۇزعانى ءۇشىن اكىمشىلىك جاۋاپكەرشىلىككە تارتىلادى.
الماتىدا COVID-19 جاعدايى كۇردەلى كۇيىندە قالىپ وتىر. وتكەن تاۋلىكتە مەگاپوليستە ەپيدەميولوگتاردىڭ مالىمەتتەرى بويىنشا كۆي جۇقتىرۋدىڭ 1369 جاعدايى تىركەلگەن, كارانتيندىك شەكتەۋلەردى قاتاڭ ساقتاۋ قاجەت. بەتپەردە تاعۋ باسقالارعا اۋرۋ جۇقتىرۋ قاۋپىنەن قورعايدى ءارى ينفەكتسيانىڭ تارالۋىن ازايتادى. سونداي-اق ەسكە سالساق, كوروناۆيرۋستىق ينفەكتسيامەن كۇرەسۋدىڭ جالعىز ءادىسى ۆاكتسينا الۋ, الماتىدا 212 ەكپە پۋنكتىنىڭ بازاسىندا تەگىن جۇرگىزىلەدى.