قورعانىس-ونەركاسىپ كەشەنىنىڭ وتاندىق كاسىپورىندارى رەسەيدەگى اسكەري جانە ازاماتتىق اۆياتسيا سالاسىنداعى ونىمدەرىن «ماكS-2021» حالىقارالىق سالونىندا ۇسىندى, دەپ حابارلايدى Egemen.kz اۆياتسيالىق-عارىش سالونىنىڭ رەسمي سايتىنا سىلتەمە جاساپ.
«قازاقستان ينجينيرينگ» ۇك» اق باسقارۋشى ديرەكتورى سانيار ايتەكەنوۆ اتاپ وتكەندەي, قازاقستاندىق تاراپ كورمەنىڭ تەڭ ۇيىمداستىرۋشىسى بولا وتىرىپ, اۆياسالون الاڭىنا 20-دان استام وتاندىق اۆيا ونەركاسىپتىك كاسىپورىنداردىڭ قاتىسۋىن قامتاماسىز ەتتى. ستراتەگيالىق مىندەت - ءوز ءوندىرىسىن دامىتۋ جانە ەل ىشىندە وقشاۋلاندىرۋ جانە ءوز ازىرلەمەلەرىن سىرتقى نارىقتارعا ىلگەرىلەتۋ.
«بەس كۇن ىشىندە ءبىز شەتەلدىك سەرىكتەستەرمەن جۇزدەن استام كەلىسىمدەر, مەموراندۋمدار جاساۋعا دايىنبىز.ء بىزدىڭ ەلىمىز بىرتىندەپ اۆياتسيا سالاسىندا باسەكەگە قابىلەتتى ويىنشىعا اينالۋدا جانە ءبىز بۇكىل الەمنىڭ وندىرۋشىلەرىمەن ىنتىماقتاسۋعا تىرىسامىز», دەدى سانيار ايتەكەنوۆ.
وتاندىق پاۆيلوننىڭ ەكسپوزيتسيالارى وندىرىلەتىن ن-145 تىكۇشاعىنىڭ ماكەتتەرىمەن, ۇشۋ جانە تەحنيكالىق قۇرامدى وقىتۋعا ارنالعان جابدىقتارمەن, وندىرىلەتىن ءونىمنىڭ زاتتاي ۇلگىلەرىمەن: پيلوتسىز ۇشۋ اپپاراتى مەن بارلاۋ پۇا-سى نەگىزىندەگى اۋە نىساناسىنىڭ يميتاتورىمەن ۇسىنىلعان.
كورمە قوناقتارى قازىرگى زامانعى اۆيونيكامەن جابدىقتالعان تىكۇشاق كابيناسىنىڭ ماكەتىمەن, سونداي-اق جينالاتىن, جوندەلەتىن جانە قىزمەت كورسەتىلەتىن تىكۇشاقتاردىڭ ماكەتتەرىمەن تانىسىپ, ۇشاقتاردى جوندەۋ جانە ولارعا تەحنيكالىق قىزمەت كورسەتۋ بويىنشا جۇرگىزىلىپ جاتقان جۇمىستار تۋرالى اقپارات الا الادى.
«ماكS-2021» ون بەسىنشى حالىقارالىق اۆياتسيالىق-عارىش سالونى بۇگىن ماسكەۋ ماڭىنداعى جۋكوۆسكيدە باستالىپ, 25 شىلدەگە وتەدى.
اۆياسالون الاڭىندا رەسەيدىڭ اۆياتسيالىق-عارىش كەشەنى جەتىستىكتەرىنىڭ كورمەسى مەن الەمنىڭ جەتەكشى ەلدەرىنىڭ جاڭا اۆياتەحنيكاسىنىڭ جارمەڭكەسى اشىلادى.