بيىل «بولاشاق» باعدارلاماسى ارقىلى وقۋ ءۇشىن 1055 ستيپەنديا ءبولىندى, دەپ حابارلايدى Egemen.kz.
555 ستيپەنديا ماگيستراتۋرا, رەزيدەنتۋرا, دوكتورانتۋرا جانە تاعىلىمداما باعدارلاماسى بويىنشا, ال 500 ستيپەنديا تاعىلىمدامالاردىڭ جاڭا «عالىمدار» ساناتى بويىنشا ءبولىندى.تاعىلىمداما باعدارلاماسى بويىنشا - 110 ستيپەنديا ءبولىنىپ, باسىم 4 باعىت بويىنشا كەلەسى ماماندىقتار بەلگىلەندى: «يننوۆاتسيالار مەن جاڭا تەحنولوگيالار» - 15, «يندۋستريالدىق ينجەنەريا» - 20, «جاراتىلىستانۋ عىلىمدارى» - 10, «الەۋمەتتىك عىلىمدار» - 20, ء«بىلىم بەرۋ» - 20, «مەديتسينا» -15 جانە «كرەاتيۆتى يندۋستريا» - 10.2021 جىلعا تاعىلىمدامالاردى عالىمدار, دەنساۋلىق ساقتاۋ سالاسىنداعى قىزمەتكەرلەر, پەداگوگ قىزمەتكەرلەرى, مەملەكەتتىك قىزمەتشىلەر, ينجەنەرلىك-تەحنيكالىق قىزمەتكەرلەر ساناتتارى بەكىتىلدى.تاعىلىمدامالار ساناتتارىنىڭ ءتىزىمىن جاساۋ كەزىندە مەملەكەتتىك ورگاندار مەن مۇددەلى ۇيىمداردان كەلىپ تۇسكەن وتىنىمدەر ەسكەرىلىپ, قاجەتتى ماماندىقتارعا تالداۋ جۇرگىزىلگەن.