مۇقانوۆتىڭ جازۋ ماشينكاسى

1960 جىلى ساتىپ الىنعان. ماتەريالى: مەتالل. جاسالۋ تەح­­نيكاسى: زاۋىتتىق. كولەمى: ۇزىن­­دىعى – 27 سم., ەنى – 28 سم., بيىكتىگى – 9 سم. قازاقشا, ورىسشا قارىپتەرمەن جابدىقتالعان. بۇل ماشينكامەن جازۋشىنىڭ ەڭبەكتەرىن جەكە حاتشىسى مايرا جانساەۆا باسقان. 1979 جىلى جازۋ ماشينكاسىن مۋزەيگە م.جانساەۆانىڭ جۇبايى س.جانساەۆ تابىستاعان. جانساەۆا مايرا دىنمۇحامەتقىزى 1909 جىلى قىزىلجار قالاسىندا دۇنيەگە كەلگەن. اقىن, اۋدارماشى, س.مۇقانوۆتىڭ ماشينيستكاسى بولعان. 1915 جىلدان 1918 جىلعا دەيىن مولدادان وقىپ حات تانىپ, پەتروپاۆل قالاسىنداعى قازاق مەكتەبىن 1942 جىلى ءبىتى­رىپ شىقتى. 1934 جىلدان قازاق مەملەكەتتىك كوركەم ادەبيەت باس­پاسىندا رەداكتور بولىپ ىستەي ءجۇرىپ, cول كەزدە جازعان ولەڭدەرى وبلىستىق, رەسپۋبليكالىق گازەت-جۋرنالداردا, ۇجىمدىق جي­­ناقتاردا جاريالانعان. ال­عاش­قى جىر توپتاماسى 1949 جى­لى «جاستار داۋىسى» اتتى رەس­پۋب­­ليكالىق جاس اقىنداردىڭ جيناعىندا جاريالانعان. 1951 جىلى «انا جۇرەگىنەن» اتتى جەكە ولەڭدەر جيناعى جارىق كورگەن. م.جانساەۆا تاتار جازۋشىسى گ.باشيروۆتىڭ «نامىس» رومانىن (1952), ت.ب. تاتار جازۋشىلارىنىڭ شىعارمالارىن قازاق تىلىنە اۋدارىپ, «تاتار اڭگىمەلەرى» (1954) دەگەن اتپەن جەكە كىتاپ بولىپ باسىلعان. 1948 جىلدان باستاپ جازۋشى, اكادەميك س.مۇقانوۆتىڭ جەكە ماشينيستكاسى بولىپ, 25 جىل جۇمىس اتقارعان. س.مۇقانوۆ, نەگىزىنەن, توتە جازۋمەن جازعان, جازۋ ماشينكاسىن ءوزى پايدالانا بىلمەگەن. م.جانساەۆاعا ەس­كەرتۋلەردى قولىمەن جازىپ قال­دىرىپ وتىرعان. 1948 جىلدان بەرى م.جانساەۆانىڭ قولىنان س.مۇقانوۆتىڭ «ساياحاتتار», «سىر­داريا» (1948), «تۋعان جەر­دىڭ تىڭىندا» (1955), «تىڭدا تۇن­عان بايلىق» (1957), «قاشقار قىزى» (1958), «الىپتىڭ ادىمدارى» (1959), ء«وسۋ جولدارىمىز» (1960), «زامانداس تۋرالى اڭىز» (1961), «جارقىن جۇلدىزدار» (1964), «ساكەن سەيفۋللين» (1964), ء«ومىر مەكتەبى» اۆتو­بيو­گرافيالىق تريلوگياسى (1949–1964), «حالىق مۇراسى» (1974) قازاقتىڭ ۇلى اعارتۋشى-عالىمى ش. ءۋاليحانوۆتىڭ ءومىرى مەن شى­عار­ماشىلىعىنا ارنالعان «اق­قان جۇلدىز» رومانى (1967–1970, اياقتالماعان) وسى جازۋ ما­شين­كاسىندا باسىلعان. مايرا جان­ساەۆانىڭ جازۋشىعا جازعان جەتى حاتى «مۇقانوۆتىڭ حاتحاناسى – پيسموتەكا مۋكانوۆا» حاتتار جيناعىندا (2018, قۇراس­تىر­عان, جاۋاپتى رەداكتورى ءا.قايىر­بەكوۆ) جارىق كوردى. مۋزەي قو­رىندا مايرانىڭ بىرنەشە فوتو­سۋرەتى ساقتالعان.

انار كوشەرباەۆا,

س.مۇقانوۆ پەن ع.مۇسىرەپوۆتىڭ ادەبي-مەموريالدىق مۋزەي كەشەنىنىڭ كىشى عىلىمي قىزمەتكەرى