قازاقستاندىق كونكيمەن جۇگىرۋشى نادەجدا موروزوۆا يتاليادا ءوتىپ جاتقان 2026 جىلعى وليمپيادا ويىندارىندا 5000 مەتر قاشىقتىقتا ونەر كورسەتتى, دەپ حابارلايدى Egemen.kz.
وتانداسىمىز 7:04.81 ۋاقىت كورسەتكىشىمەن مارەگە جەتىپ, ونىنشى ورىنعا تۇراقتادى.
يتاليا سپورتشىسى فرانچەسكا لولوبريدجيدا وليمپيادا چەمپيونى اتاندى - 6:46.17. ول وسى وليمپيادا ويىندارىندا ەكىنشى رەت التىن مەدال يەلەنىپ وتىر. بۇعان دەيىن 3000 مەتردە دە جەڭىسكە جەتكەن ەدى.
كۇمىس جۇلدەنى نيدەرلاند وكىلى مەرەل كونەين (6:46.27) ەنشىلەسە, قولا مەدال نورۆەگيا سپورتشىسى راگنە ۆيكلۋندقا بۇيىردى - 6:46.34.
ايتا كەتەيىك, نادەجدا موروزوۆا وسىلايشا تاعى دا ۇزدىك وندىقتىڭ قاتارىنا ەندى. بۇعان دەيىن ول 3000 مەتردە التىنشى, ال 1000 مەتردە 14-ورىن العان ەدى. سونىمەن قاتار قازاقستاندىق سپورتشى 1500 مەتر قاشىقتىقتا دا باق سىنايدى.
قازاقستاندىق شاڭعىشى قىزداردىڭ جەكەلەي سايىستاعى ناتيجەسى قانداي؟