قاسىم-جومارت توقاەۆ قازاقستان مەن قىتاي اراسىنداعى ەكىجاقتى ستراتەگيالىق سەرىكتەستىكتى تەرەڭدەتۋگە ۇلەس قوسقانى ءۇشىن چجاو لەتسزيدى ءى دارەجەلى «دوستىق» وردەنىمەن ماراپاتتادى, دەپ حابارلايدى Egemen.kz
بۇكىلقىتايلىق حالىق وكىلدەرى جينالىسىنىڭ توراعاسى قازاقستان پرەزيدەنتىنە قحر توراعاسىنىڭ ىستىق ىقىلاسىن جەتكىزدى
– سوڭعى جىلدارى توراعا سي ءتسزينپيننىڭ جانە ءسىزدىڭ كورەگەن باسشىلىعىڭىز بەن ەرەكشە قامقورلىعىڭىزدىڭ ارقاسىندا قىتاي-قازاق قاتىناستارى قارقىندى دامىپ, ماڭگى جان-جاقتى ستراتەگيالىق ارىپتەستىك دەڭگەيىنە كوتەرىلدى. بىلتىر ءسىز توراعا سي تسزينپينمەن استانادا جانە تيانتسزيندە ەكى مارتە كەزدەسىپ, ەلدەرىمىزدىڭ ىقپالداستىق باعىتتارىن ايقىندادىڭىزدار, – دەدى چجاو لەتسزي.
سونىمەن قاتار بۇكىلقىتايلىق حالىق وكىلدەرى جينالىسىنىڭ توراعاسى قازاقستاننىڭ جاڭا كونستيتۋتسياسىن قابىلداۋ بويىنشا جالپىۇلتتىق رەفەرەندۋمنىڭ تابىستى وتۋىمەن قۇتتىقتاپ, اتا زاڭعا ەنگىزىلگەن وزگەرىستەر مەملەكەتتىڭ ۇزاقمەرزىمدى دامۋى تۇرعىسىنان ستراتەگيالىق ماڭىزدى شەشىم بولعانىنا نازار اۋداردى.