مادريدتىك «رەال» پورتۋگاليالىق جارتىلاي قورعاۋشى بەرناردۋ سيلۆaمەن كەلىسىمشارتقا قول قويعانىن رەسمي تۇردە جاريالادى, دەپ حابارلايدى Egemen.kz
تاراپتار اراسىنداعى كەلىسىم 2028 جىلدىڭ جازىنا دەيىن جاسالعان. 31 جاستاعى فۋتبولشى «رەال» ساپىنا ەركىن اگەنت مارتەبەسىندە قوسىلىپ, مادريدتىك كلۋبقا تەگىن اۋىستى.
بەرناردۋ سيلۆا سوڭعى جىلدارى ەۋروپاداعى ەڭ تۇراقتى ءارى تاجىريبەلى جارتىلاي قورعاۋشىلاردىڭ ءبىرى رەتىندە تانىلدى. ونىڭ ترانسفەرىنە بىرنەشە ءىرى كلۋب قىزىعۋشىلىق تانىتقان بولاتىن.
«ورداباسى» فۋتبول كلۋبى 156,9 ملن تەڭگەگە ساتىلدى
باق مالىمەتىنشە, پورتۋگاليالىق ويىنشىنى ءوز قاتارىنا قوسۋدى «بارسەلونا» مەن «اتلەتيكو» دا قالاعان. الايدا فۋتبولشى تاڭداۋدى «رەال» پايداسىنا شەشتى.
جاڭا ماۋسىمدا بەرناردۋ سيلۆا مادريدتىك كلۋبتىڭ جارتىلاي قورعانىس شەبىن كۇشەيتىپ, كوماندانىڭ باستى ماقساتتارىنا جەتۋىنە كومەكتەسۋگە تىرىسادى.